A bik in Thantlang Hakha a timi Lai pawl hi a lamkip in kan i sersiam i kan i remh a hau.

Lai a timi pawl hi tampi kan i sersiam a hau tiah ka ruah, kan biaknak lei in siseh kan nun ziaza le lungput lei in siseh. Toidornak kan neih deuh a hau i biachim holhrel zong kan thiam deuh a hau/kan i sum deuh a hau. Kan biachim holhrel a tumtlang tuk.

Ramthangcho phanmi lak ah milu cun a tambik kan si men lai Chin miphun lak ah. Mah nih cun kan lungthin put a uakter tuk tiah ka ruah. Ramchung ummi Lai a timi pawl nih fimcawnnak lei i an i zuam lo i nuncan ziaza an thiam lo i an fel lo ahcun ramleng um nih a zeilei poah in cun kan sersiam cawk kho hna lai lo. Mah tik ah Chin miphun lak ah a der bik le santlai lo bik le ukmi an si ko lai.

Atu hmanh ah khin hei tuak uh law Hakha khuapi cu Zomi kan unau nih uk dawh a si cang ko khi. Zomi lei cu an fim, an i toidor, chimh an ngai, nawl an ngai, an fel fawn, nuncan zia an thiam fawn, an khiar fawn, phaisa hmang an thiam, fimcawnnak lei ah tei an ma, an i porhlaw lo, an i lungrual, pakhat le pakhat i bawmh an duh, sipuazi thluak an nei deuh fawn, biachim holhrel an thiam i an i sum fawn. A bik in Thantlang Hakha a timi Lai pawl hi a lamkip in kan i sersiam i kan i remh a hau. Tamtuk chamhbaunak kan nei.

Ramthangcho ummi tam hmanh uh sih law ramchung um Laipawl san an tlaih lo tuk ahcun kan sersiam cawk kho hna lai lo/kan bawm cawk kho hna lai lo. Ramchung um Lai a timi pawl khi a lamkip in an i sersiam a hau cang.

Kannih kan theih khawh tawk le thiam tawk cu ramdang kal i kuli ttuan mah lawng cu kan huam tawk le kan theih tawk a si ko. A bik in ramchung um Laipawl khi fimcawnnak lei ah biatak tein tei an mak a hau lai. Phaisa hmandan zong an thiam deuh a hau.Crd-Van Tum

Be the first to comment

Leave a Reply

Your email address will not be published.


*