3nk.Tuzaan cu kan hawipa ( CDF ) pakhat nupi a ngei i lawmhpinak le nuamhpinak ah Suisui he kan kal ve.

Zaan 3nk.Tuzaan cu kan hawipa ( CDF ) pakhat nupi a ngei i lawmhpinak le nuamhpinak ah Suisui he kan kal ve. Kan hngakchiat lio lai khuate lei nupi thit hrawng kha ka thinlung mitthlam ah pakhat hnu pakhat an hun cuang i lung hna a leng.
Ari he ri lo he nuamsup khin mahle cerei le siaremning cio in um asi. Phundang in chim ahcun keimah zong ribak in din nih a ka hiartuk ve ko. Ka dawtmi nih hawihmai ah mithmai chiahnak a ngei sual lai lo le ai nuamlo sual lai ti ka phan ruangah dinglo lawlaw in ka um. Keimah ve lo bang, nupi thit puaizaan chinchap i dinlo cu amak ka tituk. Kai zumh lei lo!

Nuamhnak hruaitu Salai Vei nih caan saulak te a kan hruai i kan i nuam lawlaw khi asi. Ai thei bal lomi pakhat le pakhat zong a kan theihhngalh ter dih cikcek ko. Cuti kan nihkheh cuahmah lio le kan ralawmhtuk lio ahcun “atu cu Salai The Riak nih kan kawipa asi mi caah Biazai a hun phan piak nak asi lai” tiah ruahlotuk in caan a hun ka pek. Ka lautuk! Kai ruahlotuk mi asi hlei ah lakhruak in hun phan chom ding asi. Zeikhom asi ah nawlngaih cu thluachuah hmuhnak asi tiin calcan ka hun i pe.

Salai,nang cu, dinhhmun ti pawngin ramhring lak ah na bok cang.Thladem na ngei cang
Na Eve cu na hnakruh Nang cu,ramhring lak ah na bok cang.

Ka hun rel dih ahcun kutbengh thawng le fifit tumthawng nih an innchung cu a tlirh in a tlirh. Nungak tlangval cu a khuahkhuah in an thu cio hna. Kei zong ka dawtmi he aho hmanh nih a kan dang ve lo. Tuni, chung kan tuannak ah kan ba deuh tiin dawtmi he cun kan lawitak chung hna. Kan lawi pah cu thlapa a vantuk caah an sianginn bo lei panh in thlapa vaang taoh kan i tim. Cun, tuzaan hi thlapa lai zaan asi. Amah le keimah lawng hrimhrim tuzaan cu caanhman dingin kan rak i timh cia cangmi asi fawn. A ngaingai ti ko ahcun, thaizing cun ka umnak camp ah a kir cang ding ka si fawn. Sianginn bo kan phak ahcun zaan dang bantukin a rak thu mi le internet line hman ah a rak to mi aho hmanh an rak umlo. Zaan dang ahcun minung an rak hlungtuk tawn. Atu zaan cu mo lawmhpinak deuh ah caan an hmang dih hna ( rua ). Thaizing in ka umnak camp kal ding ka si mi kong le zeitik i kan i hmuh than ding zong a fiang lomi kan ruah ah kan celh hrimlo. Holh loin caan sau ngai kan thu cang.

Nain, atu zong kan i chawn hlei rihlo. Uriak tiah ka liang i a lu a hun thluk ti dahlo kan thawpi lawng kan chuah ko. Kan pawngkam in khuangtarit le khuangbai pawl tu cu khuangcawi mi bang, an awn i an laam len ko. Keimah le dawtmi bel sivanghnak le sianlonak hri nih a kan temtawn ko rih. Zaan dang ahcun, Thuro nupa bang thut hmun kan hun i naih deuh i kan rak i nuamtuk zungzal. Atu zaan bel cu, kan cildolh thawng dah ti lo cu zeibantuk thawngpang hmanh theih ding a umlo. Tuarhlo ah atu zaan cu keimah nih biahram domh lang ka ti i ka hrawm ka hun i thianh dih hnu ah;

Keimah : Sianginn hnulei tal ah khin kan umnak i thial usih.
Suisui : Hmmm… Kan i thial zongah zeital a thahnem hnga maw?

Keimah : Thathnemnak pakhat khat tal cu a chuak kho ko dahkaw.Suisui : Asi cun nangmah duh paoh a ngah ko.

Sianginn hnulei ah kan umnak hmun cun kan i thial. Kikzilthli a hun hraangmi nih thinghnahno tete cu thui dildel tete in a hun hninh hna. Thlapa zong nih nan mah pahnih lawng nan si__nan ningzak hlah ulaw, nan duhmi bia kha i ruah ko u tiin mithmai tha a hun kan pek lawng hmanh si loin, nan duhduh zong tuah ko ulaw tiphun khin a kan mirh mi ko a hluan. Kan mah pahnih lawng kan si.

Mi zeihmanh zah ding le tih ding an umlo. Dawtmi cu ka orhlei kut in kachin i i ka ttang ah a lu a thluk buin ka thaw luhchuah a relmi ko khi a lo. Atu zaan cu zeibantuk thlarau hmanh a tla kho hrimlo. Chungsivang in kan um. Thaizing ka kal ding ko kan ruah hrim ah kan celhlo. Zeiti i hun i siamremh awk zong a tha hlei lo. Atu ka tial cuahmah lio hmanh ah hin a fawilo. Cu tluk cun, a rak har ko.Sihmanhsehlaw, hi ti i nuamlotuk in zaan khuadei lai le thaizing i, i then ding cu a ruah ka ruat kho hrimlo. Dawtmi cu ka kuh i ka hnamh.

A hngawng hrawng ka hun hnamh le a hmurpar in a hnukpar tiangin ka hun dawp piak. A mit ai chin i a thawchuah cu duhsah huamsam tete in a hun i dang. Tlawmpal ahcun minung kan sinak le thisa in a nungmi kan si bang, nuamhnak cu a tak in kan hun hmangti. Kan kiangkap in a awn mi le a laam mi khuangtarit le khuangbai hna zong dawtmi hramthawng nih a hun daihter mi an lo__chikhat cu an dai in ka thei. Dawtmi cu a zeizong tein a thlan a hun chuak i a faaktuk ti bu le a mitthli he tiin… Kan hun i lim ahcun, ka thichuak tiah a hun ka zohter mi cu zaan thlapa nih fiangtuk in a hun cerh.

Tlawmpal kan hun i hrim hnu ah khin “Uriak, nangmah hi kan duhbik mi na si muuu…” tiah a ka kuh i ka hmur a dawp pah khin a hun chim. Cu tlawmpal ah sianginn hmai lei in minung holh thawng kan hun theih. Hawikom rual panga ruk khi siangbah he hlasak ai tim mi an si. An raulo__tlawmpal an thut ah hlasak hram cu an thawk colhtak ko. Kei le dawtmi zong kan lawi tuan ah a tha lai tiin kan thutnak cun kan hun tho. Dawtmi nih “Uriak, ka kal thiamlo. Ka lamkal ah an lung kan hring sual lai__cucaah sianginn thlanglei lam khin lawi usih” tiah a hun ka chimh. Cuti cun, duhsah tete in kan kaar cu kan hlang i kan lawi.

An inn kan phak ahcun a nu le pa cu an rak i hngilhtuk cang. Zaan zong cu tlaituk ve cang kaw an mawhlo. “Tuzaan cu keimah sinah it ko mu? Lawi ti duh hlah. Thaizing zong na ka kaltak fawn lai caah kan ngaituk lai” tiah a thinlung dihlak in a ka sianlonak bia cu a hun pau. Keimah zong nihcun lawitak sianglo in a sinah cun zaan khuadei ka it/riak ve. Zingka tu tuan tein ka tho i ka lawi. An innleng tiang a ka thlah hmanh ah a lamkal cu a bei ngaingai rih. Cucaah, “rak it rihlaw nan ngakan i na nu le pa an kal hnu ah rak tho muh. Chun hnu ah kai thawh te ko lai i zingrawl ka ei khim in ka rak ra colh ko lai” tiah bia ka tiam ta.Crd-The Riak Cafung Le Cahraang Dor Tete

Be the first to comment

Leave a Reply

Your email address will not be published.


*