2024 ah President ka cuh tthan lai” tiah Trump nih thawng a thanh hlan nikhat ah Pence a rak chuak i, cauk a tialmi zong a chuah. Mainstream TV kakip ah amah lei story tampi a chim.
Trump caahcun Pence a rak lang hi thawngchia ngai a si, ka ti. A bik in, Pence cauk nih hmailei a political tampi a phih lai tiah ka hmuh.
Pence cauk “So Help me God” cu tlawmpal ka rel. A cauk title hi lai holh in, “Pathian ka bawm ko sawh” tiah leh ahhin a dik hnga dek maw!
Pence cauk hi amah tuanbia a si. TRUMP he an itthen thainak, January 6 in a tuanbia a thawk. A catialmi ahhin Pathian a thei, lawng hmanh siloin, a piangtharmi/ born again person a sinak fiang ngai in a lang. Bible cẫng tampi a char. A kong a chimmi ah Minun ttha, mifel, mifim le Hruaitu ttha a sinak a lang ngai tiah ka hmuh.
2024 ahhin President na cuh ve lai maw? Tiah bia an hal ngai i, “kanmah innchungkhar ahcun kan iceih ngai ko” tiah a leh hna. Republican Party dirhmun le Trump a dirhmun zohchih in a ngamh pah ko ahcun, a rak chuah ve te lai tinak a si. Crd-Zasang Chinzah
Leave a Reply