2021 in Mortgage Loan officer ka tuan hlan ah hin Healthcare ah ka rak tuan. 2017 lio ah, Physical Therapy Clinic ah Practice Manager ka rak tuan. Physical Therapist pakhat nu a rak um, a kum cu 63+ a rak si. Fa pathum a ngei hna i, an pa hi rian a tuan ti lo. A dam rua lo. Pathian a zum ngai mi a si i, thla zong a rak ka cam piak lengmang mi a si.
2020 Pandemic lio ah khan, graduate school ka dih hnu ah, mah ka rian cu ka phuak. Ka phuah hlan ah ka rak hal mi cu, “zei ruang ah a tu tiang rian hi har tuk in na tuan peng, yiah retirement na lak cang lo ka rak ti? A ka let mi cu, “retirement saving pakhat hmanh kan ngei lo, ka tuan lo ah cun, homeless kan si lai.” a rak ti. Mah bia cu a tu tiang ka philh kho lo.
Kan upat hnu ah cun kan dam lo caan zong a tampi lai. Mah hnu i retirement caah saving chiah ti hi a har tuk cang lai. A tu lio, kan no lio ah hin saving kan i chiah khawh hi a biapi tuk. Retirement caah tuah khawh mi a tampi, nain, pakhat te cu hrawmh kan duh mi hna a um.
Fa a ngei cang mi na si ah cun, an chuah kaa in saving account on piak hna. Na ti khawh tawk, $10, $20 khi, automatic in thla fatin bank in zuh ter. Cun, birthday, Christmas tbt na chungkhat le hawile nih laksawng an pek mi zong kha, mah an account ah khan chiah piak hna. Thil a fa mite a lo ko nain, an upat hnu ah cun mah kha a thong a phan te lai. Mah phaisa na chiah piak mi hna nih khan, mawtaw, inn ca down payment, wedding tbt a pek khawh te lai.
Disclaimer: Financial Planner ka si lo nain, real estate investment lei le a dang dang tam deuh theih na duh ah cun, chawnh khawh ka si.Crd-Sung Par
Leave a Reply