2018 lio ah thihnak lungkua chung in rak khamh khawhmi pakhat a nunnak a liam

2018 lio ah thihnak lungkua chung in rak khamh khawhmi pakhat a nunnak a liam

2018 lio vawlei cung a rak cul dihtu thawngpang a rak simi Thailand ram Tham Luang Nang Non lungkua i a rak i taapmi pa hngakchia minung 13 an rak chanhchuahmi hna lakah pakhat cu England ram ah February 14 ah a nunnak a liam tiah theih asi.

Kum 2018 June 23 lio ah Wild Boars tiah bawlung team min aa bunhmi pa hngachia (kum 11 – 16 karlak) minung 12 le an nipiah pakhat cu zan lei sang bawlung an chuih dih hnu ah lungkua chung ah an rak lut. Tlawmpal ah ruah faaktuk in a sur caah an luhnak lungkua cu tilian nih a phum dih. An chuah khawh ti lo caah vawlei cung lungkua kong thei le tiipil thiam hna nih an rak kawlpi hna.

An thi dih cang lai tiah an ruah dih hnu ni 9 a rauh hnu July 2 ah British lungkua zohthiam le tipil thiam hna nih kilometer 4 saunak hmun ah an va hmuh hna. July 8 ah an dihlak tein nungdam tein an rak chanhchuah khawh hna.

A tu thimi pa te hi an bawlung team Wild Boars ah captain a rak asi i mah lio ahcun kum 13 te lawng a rak si rih. Kum 2022 ah England ram Leicester Foootball Academy pakhat ah a ummi asi.Crd.Ceumi Lian