𝐍𝐠𝐞𝐢𝐡𝐜𝐡𝐢𝐚𝐭𝐧𝐚𝐤 𝐓𝐡𝐚𝐰𝐧𝐠𝐭𝐡𝐚𝐧𝐡

LBC khrihfabu chungin thihloh nak kan tonmi thawngthanh kan duh.

Pu Thawng Ceu (tleicia) le Pi Sung Thluai i an fapa hnaing, kan dawtmi, Pa Timmy Van Sui Peng (Kum 31) cu tuchun 1:26 (P.M.) ah thilthlum zawtnak in mual a kan liam tak. Caan saupi siizung a um hnuah a kan liam tak mi a si.

Pa Timmy ruakvui caan hmannak cu a tanglei bantuk in a si lai:

A ni: 17 October 2022 A caan: 10:00 (A.M.) A Hmun: Yee Way Thlan

Taantakmi innchungkhar an ngeihchiatnak dihlak Pathian nih hnem ko hna seh.

Pi Sung Thluai te umnak le phone: No. 118 အရှေ့ကြို့ကုန်း၊ (3) လမ်း (မြောက်) အင်းစိန်မြို့နယ်။ 09784777795

Umhar Phen Sawhsawh.Kanmah hna tlanval lioah a min a rak thang bakmi baisakup pakhat a rak um. Amin ah ‘’nuhnuh ngenge’’ ti a rak si. Lemcang thiam ‘’Kyaw Hein’’ le ‘’San Dar’’ nih an rak i thlak. A rak laar taktak. Zeitluk tiang dah a rak laar ti ahcun Thantlang khualaifang market zawn ahkhan ‘’ nuhnuh ngenge lakphak dawr’’ timi tiang a rak um phah.

Khah, ‘’ nuhnuh ngenge lakphak dawr’’ ah lakphak a rak ding balmi nan kut rak thlir cio u. Mah ‘’ nuhnuh ngenge’’ baisakup a zoh balmi zong thlir ve khawh a si.

Kei Maymyoh ah trainning ka kai lio a si. Maymyoh ah baisakup zung pathum a um i, a pathum ning tein voi voikhat ah zarhkhat chung an rak piah. Voithum bak ka rak i nolh ve. Nai hrawng umhar phen Facebook ka dehdainak ah mah baisakup kha ka hmuh. A hramthok in a dongh tiang ka zoh ṭhan i, tutan ka zoh ṭhanmi he voili ka zoh tinak a si. Ka lung a leen tuknak ah chikkhat cu ka tlangval ṭhan.

Mah baisakup a chuah kaa hrawngah taisawm hrolhnak zapei kauh a simi tawhrolh thluan a rak laar taktak Amin ah ‘’Kyaw Hein bawngbi’’ ti bak a si ve. Bawngbi he aa lomi angki T-shirt zong a rak laar chih i, cu angki le bawngbi i hruk cang ahcun kan ral hna a rak ṭha deuh ving tawn.

Mah baisakup in ‘’Kyaw Hein’’ a min a rak thang phah. San Dar he an i duh phah i an i um beh fawn. Fanu pakhat an ngeih hnuah an i ṭhen ṭhan  i, an fanu nih ka nu cu a thih tiang ka pa mui hmuh a duh ti lo a ti. Kyaw Hein zong nupi dang a ngei i, a nupi nih midang he biaruah a ka sianh lo i, inn lawngah a ka umter a ti ve. Kyaw Hein le San Dar an rak i ṭhen ko nain, an thinlung chungah zeidek a um ko timi hmuh khawh an si.

Aw……minung ngaite hi, kha tluk mi minthang a simi hna kha atu cu an pahnih in an thi ruangmang ve ko cang hi ta.Perh Kalh Thawng