Vawlei ralpi voi hnihnak (ဒုတိယ ကမ္ဘာစစ်) lio ah,Fak tuk in an i kahdohnak le Bomb puak (meikhu) tuk ruangah, ralkap pakhat a hawi le sin in a tlau sual-
Ramtang ah a mah lawng a tang i cu lio ahcun,a ral hna a umnak lei panh in an rat cuahmah thawng khi a hei theih khawh.
A nunnak a him khawhnak ding caah i thuhnak ding hmun rem cu a kawl len.Vanṭhat ah, i thuhnak ding caah ai rem ngai mi ‘Lungkua’ hme tete a hmuh hna.Lungkua pakhat ahcun a lut i ā thup colh-
Chikhat cu ‘Ka Him Cang’ tiah thanuam le hnangam ngaiin a um ve manh nain. An rak phak tikah cun, “Hi aa rem tukmi kaa thuhnak lungkua hna hi cu an rak zohhliah hrimhrim lai. Huu..! Ka thi hrimhrim cang ko,” tiah -Lungretheihnak le Ṭihnak in a Khat Ṭhan-
A thih caan phak ding hngah bu cun tihin thla a cam,“Pathian, ka nunnak hi ka zuah piak hramhram ko sawh mu. Ka cungah zeithil paoh tlung ko hmanhsehlaw kan bochan i kan dawt tuk. Amen!” tiah.thir thluahmah bu in din te khin thla a cam-
Thla a cam dih tlawmpal ah,
a ral hna an rat cuahmah lio ke-thawng khi a hei theih khawh cang.Pathian nih khamh a ka tim ti rua lo hi ta,’ tiah a ti i lungkua chung cun ṭih le lungkuai in thih bawh in a um.
Cu lio ahcun ruah lo pi in….,
Ṭekral( maimomh) nih lungkua luhnak zawn te ah manmarang a zam cuahmah kha a hei hmuh i,
Ninghang ngai khin, “Ka herh mi cu hi santlailo manmarang men hi a si ṭung lo. A chah taktak mi vanpang le lungtlap hna pei ka herh mi an si cu. Bawipa nih hin ziah a theih hnga lo?!” tiah. lungkuai-lungdon mitthli he khin a vuivai-
A ral hna cu an rak phan taktak cang! A mui tukmi a umnak lungkua chung cun, a ral hna nih lungkua pakhat hnu pakhat bakin an zohhliah ciahmah ko kha fiang tein a hei hmuh khawh.
Aa thuhnak lungkua an zohhliah hnik bakah an RALBAWI PA nih,“Kha lungkua cu zoh duh hlah uh. Manmarang in a khat kha. Mi pa khatkhat rak lut sehlaw hi manmarang hi a um ti hngalo. Zoh duh hlah uh!” tiah nawl a pek hna.- A ral hna nih cun an lanh taak i a luat –
Cun tihin mitthli he thla a cam:
“Bawipa, ka ngaithiam sawh ko mu. Ka palh. Ka palh tuk. Manmarang te sihmanhsehlaw nangmah nih na um pi ahcun, a chah taktak mi vanpang le lungtlap hna nakin a ṭhawng deuh tuk ti ka philh,” tiah mithli tla thluahmah in thla a cam ṭhan.
Unau:Pathian nih nangmah huhphenhnak ding le khamhnak dingah ralthuam ṭhaṭha a herh theng lo.-Manmarang te hmanh kha a za tuk ko-
Pathian nih nangmah thluachuah pek ding ah thilmak le thil lianngan pipi zong a herh theng nemmam lo,Thil hmebik te hmang khan a nganbikmi thluachuah an pek khawh tuk-
Bawipai hmaiah daitein um law.
Thih hnu lawngah Bawipa sinah i din loin, na nun lio hrimhrim ah a sinah zumhnak he i din mu.
Bawipa nih lungthin hnangam- daihnak in pe ko seh.Salm 18: 2Bawipa cu a fekmi ka ralhruang a si.A ka ven i him tein a ka umter.CrdTranslated by- Mark Luai
Leave a Reply