Uk nak tha lo teinak ding ahcun CDM tuah a hau. Sianginn khar dih I fim cawng lo pi um hi tah ralkap ( SAC ) teinak a si ve hnga maw? Keimah le keimah bia ka al lengmang.

Ruahchuk Cho.Uk nak tha lo teinak ding ahcun CDM tuah a hau. Sianginn khar dih I fim cawng lo pi um  hi tah ralkap ( SAC ) teinak  a si ve hnga maw? Keimah le keimah bia ka al lengmang. Ralkap chiahru nih pekmi  fim cawn nak kan duh lo kan ti ahcun kan mah duhmi fim cawnnak kan tuah a hau. Kan tei nak dingah caan zeizat a ruah lai kan tei lo. Kum 2-10  zong kan rua ko.

Cucaah caan hngah men in um ding kan tha lo.  Chinram ah kan fa le  kum  5 chung fimthiam nak cawng lo in an um ahcun hmailei  kan than cho nak dingah   kum 50 kan tlai  te lai. Mah caah a lam kawl a hau. A  khua in maw, Sang in maw, Peng inn maw  khuakhan a hau. USA zongah khua tete in an I zoh cio ko. A cheukhat le bang cu sianginn kai lo in inn  ( Home School ) le online in  fim nak an kawl cio ko. Pakhatkhat tal cu kan tuah khawh ve ko lai.

Bia Hlei: Sianginn khar a thatnak:1988 ah  sianginn an rak khar! Sianginn an khar dih caah a zuam he zuam lo he bible sianginn  an  rak kai dih. Laimi nih Pastor tampi  ngeih hram kan hawn thawk.

Sianginn khar a tha lonak: A zuam he zuam lo he bible sainginn cu an dih cio. Piangthar he piangthar lo he, a zuam mi he  zuam lo mi he Pastor ah hman an sii. Mah cun Laimi I then cheu nak le I dawt lo nak  a thawk. Bawi Jesuh pumpak a tum lo ahcun a rem ding le a daw ko ti  lo ding zong kan tam ngai cang.Credit-Sui Ceu Ling

Adang relthan:Ralhrang Khawngsil Nih NLD Party Hrawh An Timh Taktak Cang.May 21, Naypyidaw ah tuahmi UEC le ramkhel party hna tonnak ah UEC Chairman nih “NLD hi a rauh hlanah kan hrawh men lai” tiah a rak chim cang bantukin atu hi ralhrang khawngsil nih NLD hrawh an timh taktak cang.

Cucu UEC nih ramchung vuanci (Minister of Home Affairs) ah cakuat a pekmi nih a langhter. Cakuat cu May 24 ah rak pekmi a si nain atu lawngah mipi nih hmuh le theih a si.

Cakuat tlangtar cu “Ramkhel party hna hlathlainak tuah ding” ti a si. NLD hrawh an timh cang ti a langhnak cu a tanglei cakuat No. 2 nak i an tialmi khi a si.

“Ramkhel party hna registration tuahnak phung dal 12, dal then (a), dal then chin (3) nak ah hriamtlaih in dohdalnak a tuahmi bu le pumpak hna, asiloah sualnak a tuahmi tiah cozah nih a thanhmi bu le pumpak hna, asiloah phungninglo ah chiahmi bu le cu bu hna he lenglang in siseh a thli in siseh pehtlaihnak a ngeimi, asiloah thazaang a pemi, cun dal then chin (4) i dal 6 nak ah a ummi biakamnak zulh lo timi he aa pehtlaimi cu ramkhel party pakhat in dir khawh a si lo tiah a um”.

A cunglei ca hi zoh tikah ramkhel party 93 kha hlathlainak an tuah lai i NLD hi an hrawh lai ti a fiang ko. NLD an hrawh hnuah ramkhel thlihran ning aa thleng lai maw thleng lo ti cu mipi cungah aa hngatmi a si.The chin Post

Be the first to comment

Leave a Reply

Your email address will not be published.


*