Uitlak tuanbia nih a kan cawnpiakmi

Uitlak cu tisa chungah peih law chikhatte ah an per taak colh lai. Asinain tikik chungah peih hmasa law an per taak lai lo. Tikik cu mei na pek tikah duhsahtein a hun lum lai i uitlak cu tisa chung ahcun aa nuam lai i a donghnak ahcun tisa nih a thah lai. Ka per lai tiah aa timh tik ahcun chuah khawhnak thazaang a ngei ti lo.

Hi tuanbia nih a kan cawnpiakmi cu duhsahtein a kan hrawktu kan taksa, thinlung le thlarau thil cu abiapi ah kan chiah lomi hi asi. Cucu Satan nih tukforhnak ṭhabik ah a hman tawnmi hriamnaam asi.

Zu, Kuak, Drugs, Porn le Games, Social Medias: (Facebook, Instagram, Tik-tok le News), vawlei thil le taksa inuamhnak tibantuk pawl nih duhsahtein na caan, na taksa, na ruahnak, na thinlung le na nunnak an hrawh cuahmah lai.

Cu thil hna nih an lem/suai hnucun tei khawh le chuah khawh naa harh tuk cang lai.

Naa nuamhnak, naa lawmhnak, na hnangamnak, na huammi, na tlaihchanmi le caan na pek bikmi hi Pathian thangṭhat, Bawipa rianṭuan, Bible ca rel, thlacam, Jesuh Khrih sunparnak pek le Thiang Thlarau he ihawikomhnak asilo ahcun na caah rawhnak le thihnak lawngte an si.

Atu na nunnak ah zeinihdah nuamtein thihnak lam lei ah an kalpi cuahmah? Khakha na caah ṭihnungtukmi na ral asi. Jesuh Khrih sawm law Pathian bia in tei khawh izuam!

Thil ṭhalo duhnak nihcun sualnak kha a pawi i a hrin; cun sualnak cu a ṭhang i patling asi tikah thihnak kha a hrin (‭‭James‬ ‭1:15‬). ‬‬Credit- James Vanneilian

Bawipa i bochan ti asullam cu Amah Pathian sin lawnglawngah kan i ruahchannak chiah le minung sin in siloin Pathian sin lawnglawngin bawmhnak le thluachuahnak i ruahchan le bawh te khi asi ko (Psalm. 121:1-8). Zeizong kip ah Bawipa aa bochanmi cu harsatnak le tihnak nih a hnin kho bal hna lo; zeicahtiah, Zion Tlang a feh bantukin Krih Jesuh chungah an hram kha fek tein an thlak cang (Heb. 12:2; Psalm.125:1-2). God bless you today.By Robert Thawng Zam

Be the first to comment

Leave a Reply

Your email address will not be published.


*