U.S ram kan phak hnu in Khrihfa nih U.S cozah sin ah lih kan chim rih ko lai maw?

Ahopaoh U.S kan phakning hi lihchim in mitam deuh cu a phanmi lawngte kan si. Keimah zong lihchim in U.S a phanmi ka si. Nupi ka ngei lo nain “nupi ngei” ka si tiah lihchim butein U.S ah ka rak phan.

Asinain hrinṭhannak ka co hnu in U.S cozah ka hlenmi hna kha Bawipa nih a ka cawnpiak tikah ka thlarau nun nih a rak celh lo. Ka rak iphuhrung tuk peng. Cucaah Bawipa sin ah ngaihthiam ka rak hal. Bawipa thawngin phaisa dihlotein le tluangtein iṭhennak zong kan rak tuah khawh ṭhan. Keimah bantukin U.S kan phaknak case hi lihchimmi tampi kan um lai.

Asinain U.S kan phak hnu in hrinṭhannak acomi le Khrihfa asimi nih U.S cozah hlen in kan nung rihmi “Tax return, food stamps, business le cozah zung lei he aa pehtlaihmi paoh tibantuk” ah lih kan chim rihmi hi cu Bawipa kan cungah aa lawm hrimhrim lai lo. Bawipa duhlomi an si. Zumlotu le hrinṭhan lomi nih an tuah ahcun Bawipa an hngal fawn lo cu ta. Kan icawn awk asi lo. Asinain hrinṭhannak acomi, Pathian fa asimi le Khrihfa ka si aa timi nihcun kan tuah hrimhrim awk asi lo.

Khrihfa nihcun Dinfelnak le Biatak hi kan aupi lawng siloin kan nunnak ah kan inunpi awk asi. Kan tuahmi kip hi Bawipa nih a kan hmuh peng.James Van Nei Lian

Be the first to comment

Leave a Reply

Your email address will not be published.


*