U.S President Donald Trump nih aka tei ko timi cohlan nak atuah duh lo caah amah auar tu hna buaibai nak achuahnak hi asi.

U.S Capital Ah Trump ruangah Buaibai Nak Achuak: Zeiruangah dah tuni 01/06/2021 ah USA Capital ah thil mahbantuk achuah tiah cun U.S President Donald Trump nih aka tei ko timi cohlan nak atuah duh lo caah amah auar tu hna buaibai nak achuahnak hi asi. Cucu expert mifim thiam hna nih cun proudboys tiah a auh mi hna. KKK le Red neck le ramdang mi a rem hrimhrim arem lomi hna pawl an si tiah an chim.

Nihin hi House le Senate zuungah President elect Joe Biden cu President asi ko timi cohlan nak an tuah ding asi caah mah bantuk hin buaibai nak cu achuak nak asi.Banutk hin President si nak thutdan tongti chan in ai chang mi hi amah lawng asi ti asi.

Cu caah micheukhat nih an chim  ningah cun 01/20/2021 hlan ah hin Trump cu Scotland, England ram ah azam lai tiah theih asi. Zei caah tiah cun khi ka hmun ah ahim bik lai tiah aruah pin ah amah he ai neihniam bik mi hna official tein theih asi. President thar asi dingmi Joe Biden’s inauguration hlan ah tlik-zam ai timh hi asi. Cu bantuk cu U.S tuanbia le Vawlei cung tuanbia ah aum bel lo mi asi. Thlennawn nak aum tik ah tha tein le lungtling tein cohlan le power i chanh nak tuah asi tawn. Nain tutan hi cu bantuk dirhmun (traditional values) cu um dawh asi lo.

Tuni Senate le House ah hin Trump a dir pi ngai mi hna Senate pa 11 an um i House zongah cun an um ve tthiamtthiam. Cu bantuk cun President Trump nih Vice President Mike Pence cu keimah President ka si khawh nak hnga bia Na va chim lai ati nain Vice President Mike Pence nih cun keimah nawl angei mi ka si lo. Phung le lam kan ngei cucu kan zulh awk asi tiah ati.Cu bantun in buaibai nak achuah tik ah Mike Pence nih arannak in mah bantuk buaibai nak Cu ngol zokzok uh atu bak ah.

Phung le lam kan upat awk asi ati. Amah zong cu himnak hmun ah an tlik pi ve. House lutlai Nancy Pelosi nih National Guide cu auh an si lai ati. Zeiti an hei cawlcangh le an au an khuan (Protest) ko zongah phung le lam ning tein thil akal ko lai. Cu caah January 20,2021 ah U.S Ram pi cu President Thar an ngei lai.

Nizan ah Geogia State ah Senate thimnak aum i minung pa 2 thim asi cu zongah cun Democratic party in ai zuam mi Jon Ossoff le Rev. Raphael Warnock nih teinak an hmuh.

Cu caah President Donald Trump nih Republican party cu arawk ngaingai ti alang. Tukum 2021 in 2025 tiang hi US Ram uk nak ah House zongah Dem nih an uk lai i abiapi ngaingai mi Senate zong an uk lai ti afiang ngaingai.Mipem hna kan nih caah cun Dem tluk atha mi an um ti lo.Credit-CCN

Be the first to comment

Leave a Reply

Your email address will not be published.


*