U.S.A Bible siangngakchia ka upatnak hna:

  1. Pathian Bia (Bible) an duh. 2. Thlacam nun an ngei. 3. Khrihfabu an daw. 4. An miphun an daw. 5. I biataknak le pumpeknak an ngei.

Kan i remh hau ko lo maw, tiah ka ruahmi:

  1. Cawnpiak kan huam tukmi hi a ttha lo. Kanmah he kan ruahnak aa dang mi he ttha tein biaruah (converse; engages) khawh a si ko nain hramhram in cawnpiak kan hmang. Kanmah nak upa deuh hna an si ahcun a ttha lo ngai, tiah ka ruah.
  2. Kanmah tluk in thlarau lei a puitling lomi, asiloah, Pathian biatak a pemh deuh lomi minung nih zeitimaw deuh in bia an chim tikah “Hell tla” ding phun le a piangthar lo mi phun in kan hmuh/zoh colhmi zong hi i remh ah ttha, tiah ka ruah.
  3. Mi pakhatkhat nih tlaihchannak he kan sinah thlarau lei an derthawmnak (spiritual weakness), asiloah, an dirhmun (spiritual condition) an kan chimh tikah “mi sik” hmangmi kan um. Sik a herhnak ah sik ding a si ko, nain, an derthawm lio ahcun “hnemhnak bia” (comfort) le “lam hmuhsaknak” (direction) an herh. Kan sik lengmang hna ahcun hmailei ah an kan ngamh ti lai lo. An kan ttih lai.

Hi bia te hi nunpi khawh i zuam cio hna usih: “An cawnnak a sang deuhdeuh, an hngalnak a tam deuhdeuh, mi toi ah an idor deuhdeuh.”Credit-Van Neih Bik

Be the first to comment

Leave a Reply

Your email address will not be published.


*