Tuzing kan Khrihfabu devotion ca ka ṭialmi kan hrawmh ve hna.

Tuzing kan Khrihfabu devotion ca ka ṭialmi kan hrawmh ve hna. Mah le Mah Iteikhawh” Titus 1-3

Titus sin ah Paul nih ca a kuat. Titus cu Crete ah Paul nih a chiahta i a chiahtanak sullam cu Khrihfabu ah zeibantuk minung hi dah pastor an si awk le zeibantuk hi dah zumtu an si awk a si timi kha fiang tein a chimh. Cuti an si khawh nak hnga caah a herhning in cawnpiak hna law si hna ti zong ah a cah.

Pastor kong ah hibantuk hi an si awk a si tiah Titus 1:5-9 kar ah a chim. Cu ahcun tam nawn a chim i cu lak ah pakhat cu “mah le mah ai teimi” a si lai tiah a ti.

Cu hnu ah Titus 2 chung ah Khrihfabu chungtel hna zong kha hi thil hi cawnpiak hna tiah a ti i *pa upa* hna kong ah thil dang a chim pin ah “mah le mah ai teimi” an si a herh tiah a hun telh ve.

Nu upa hna zong nih an ziaza kha upat tlaak si a herh lai i cucu nutung no hna zong kha an chimh hna lai. Cu an chimh dingmi hna cu “mah le mah iteikhawhnak” a si lai tiah a ti ṭhan.

Cu hnu ah Titus hrimhrim kha Paul nih a cahmi cu tlangval/nungak zong kha “mah le mah ai teimi” an si awk a si timi kha faak piin na cawnpiak hna lai ee a ti. Nungak tlangval ca hna ahcun hi pakhat te lawng hi a cakuat ah a telh, a biapi tuk tiah a ruah caah si lai.

Cuti mah le mah itei khawhnak cu zumtu pakhat nih, hruaitu pakhat nih kan nun ah a langh hrimhrim awk a si i a langh khawh nak hnga Pa Pathian nih Jesuh Khrih thawng in a kan ṭawl i Thiang Thlarau hmang in nun thar chuahnak kha siang ngai in a kan tuahpiak.

A donghnak ah a hun telhmi cu mah le mah ai tei kholomi “self-controlled” cu mah le mah sual ai phawmi “self-condemned” an si ee a ti._ Na nunnak ah khuazei zawn ah dah mah le mah iteikhawhnak na chambau? Pa Pathian sin ah Jesuh Khrih thawng in a kan tuahpiakmi kha bawmh hal law Thiang Thlarau nih an bawmh hrimhrim lai.Credit-Van Thakam Thang

Be the first to comment

Leave a Reply

Your email address will not be published.


*