Tuzing ah CDF nih zaangfahnawlnak tha tein an tuah ko mi zei rello hi Dalaan tluk an si!

CDF nih an cawl canghnak kong ah tuzing ah zaangfahnawlnak an tuah cang nain bia fiang le khoi kaa ah dah an i kah hmanh theih lo in Thawngpang Update hmasak ai zuam mi Social Media Website in catialmi phaisa kawl mi hna hi CNF/A(CDF) nih Warning pek in nawl an zulh duh hlei lo ahcun an umnak hmun ah kawl chuah i hremnak pek hi a tha ngai lai.

Social Media ah hin a dikfelmi an tampi nain a dikfel lo mi tangka mit lawng a au mi Website hi Dalaan tluk an si i tih zawng an nung,zaangfah nawl cang hnu zawng ah bantuk um hi cu Miphun zeirel lo le CDF cawl canghnak zei rello a si.

Hi Website hi Report rak tuah cio u Warning i pek lengmang zawng hi tulio boruak ahcun a si cawk kho ti rua lo.Salai DK

Nun Si A Vang .Daniel cauk chung ah Darius siangpahrang pa nih hin Daniel hi a dawt ngaingai. Daniel biakmi Vancung Pathian zong a upat mi a si. Asinain Daniel a nahchuah mi bawi pawl nih Darius cu nawlbia an chuah ter i Daniel cu chiandaih thong ah an thlak. Darius nih Daniel cu chiandaih thong chung i thlak cu a siang lo tuk nain nawlbia a chuah cangmi cu let awk a ttha ti lomi a si caah a ngaih a chia tuk.

Zan khuadei aa hngilh kho lo, rawl zong a ei lo. A nun a si a vang! A thaizing khua a ceu cangka chiandaih thong ahcun a va kal i “Daniel, na Pathian nih an khamh maw?” tiah a va hal. Daniel nih, “Maw siangpahrang, ka Pathian nih a vancung mi a run thlah i chiandaih kaa cu a ttem hna i ka him ko,” tiah a leh. Daniel cu chiandaih thong in a chuah i leirawitu pawl kha chiandaih thong ah an thlak hna i chiandaih nih an rak ei dih hna.

Darius cu a dawtmi, a upat mi chiandaih thong i a tlak tik ah khan mittha a si caah a nun a si a vang. A hawi ttha pa lehlam thong ah a tla. Aa hngilh kho lo. Atu lio kan boruak kan thil ton mi ah hin kan hawi dawt hna cu zei sualnak hmanh an tuah lo nain mithat lainawng bang thong an thlak hna, hrem an tong; mi cheu cu an nunnak hmanh a liam. Ruah deuhdeuh ahhin lung a fak chin lengmang. Kan laitlai unau hna cu a zei ti lei hmanh in aa tluk lo mi hriamnam in kah, thah, dawi le tlerhkhawnh an tong. Kan fanu, kan far le nih tlaihhremnak tiang an in cang. Inn le lo an khangh. Fir le ramh in caan an hmang.

Laitlai unau mi tampi ramlak ah fikfa le ruahpi lak ah an riak. Zanriah ei awk, din ti, le thlawpnak sii-ai a za in an ngei lo. Nu, ngakchia le tar hna nih inn ah therphang lengmang in an um. Chun lai cingling ah khuachung ah chunmui a tlun bang, Pu Hrang Nawl bia cun “Ui fir hmanh aa chawk ngam hnga lo” timi dirhmun kan phan. Nun si a vang. Hngilh awk a ttha lo, rawl ka a thaw lo. Thi a lin. Hi bantuk bawmh kan herh tuk lio caan, kan nun a si a vangh tuk lio ahhin kan biakmi kan Bawipa Pathian nih a kan kaltak lo ti kha philh lo in thla cam peng ko hna usih. Salm fung 23 le 121 hi kan lungthli te in chim tti peng ko hna usih. Darius le Daniel zong a donghnak ahcun Pathian hnemhnak le daihnak an hmuh bang, kannih zong ceunak, daihnak le luatnak kan hmu ve te ko lai.

Daniel rawiphiar tu, a nahchuah tu bawi tampi an rak um ko, chikkhat cu chiandaih thong zong ah an rak thlak khawh ve ko. Asinain cu bantuk dalan pawl kha an donghnak ah mi teitu an si bal lo. Dalan ruangah hin tthencheunak, lungfah tuknak le thihnak tiang hmanh kan ton ve te ko lai. Nun si an vangh ter khawh ngai ve ko nain ttih awk a si lo mi cu dalan nak in a tthawng deuhmi, kan sining a kan hmu dih i a kan bawm kho zungzal tu Thiang Thlarau kan ngei. Chung tling te in zanriah a ei tti kho i biakinn ah aa pum tti kho mi ah Bawipa nih kan mino hna cu pakhat hmanh tlawttlau lo in kan ven piak hram ko hna seh! Ngakchia nu pakhat nih a chim mi te cu: “Rallokap pawl hi uico tiah auh awk ah an i tlak lo,” a ti i a si kun ah zeitindah kan auh kun hna lai?

Cenghngia le sihal ti tu in auh ding ah an i tlak deuh a ti. Minung kha phaw ah aa hman i mizapi lakah hriam ngan pipi a hmang mi, hmuhmi thil paoh a hrawk i tlaihhrem a hmang mi cu uico kan ti hna ahcun uico lak ahhin uihrut cu ttih an nung tuk ko nain uifim an um ve caah uico min kha rallokap nih an thangchiat, an i tlak lo, a ti. Uihrut, cenghngia, le sihal an si i mifir damiah an si ti kha mizapi nih chim ngam, hmuh ngam a herh ko cang, tiah ngakchia kan fale hmanh nih evaluate an tuah ko cang hih! Nun si a vang ko ee.Credit-Lal Pek Lian

Be the first to comment

Leave a Reply

Your email address will not be published.


*