Tutan Thantlang ralkap tuahsernak cung ka hmuhning

Thantlang ummi khuanu pa le mino hna nizan ah Thantlang hmunkhuar ralkap bawi nih Thantlang mino sinah “kannih cu kan i kap lailo dai tein um hna sih….” tiah a tihna timi bia a thang. Hihi ruah ahcun thilţha le a dikmi a lo nain thiltha a si lem lo i a dikmi zong asi lo, a ruang cu…

1. Nihin kan ram a buai hi mipi nih ralkap kan rem hnalo caah asi loh.2. Mipi nih ralthawh kan duh caah asi lo.
3. Mipi nih buaibai kan duh caah asi loh.

Ralkap nih mipi cungah thahrum an hman caah asi.Ralkap nih mipi kha ral ah an kan ser caah asi.Ralkap nih mipi an kan buaibai caah asi.Ziah cucu a canhnga? Kawl cu phunsang kansi caah miphun dang cu kan ketang ah phahding ansi timi cungcuang si duhnak thinlung, Uknak le hruainak cu mipi kut ah a umding kha mipi sinah chiah duh lo in anmah nih an tlaih i rampi rumnak kha an mah ta ah an i huidik tikah rammi kan sifak i anmah tu eicawklo in an ngei. Cu tuahsernak thalo cu an kaltak siang tilo.Cucahcun mipi he rem le dawt an duh taktak ahcun

1. Anmah a hringtu hna mipi he i fonh in mipi duhnak kha tuah hnaseh.
2. Mipi kha rianh tu ah chiah loin anmah tukha mipi rianhtu si hnaseh.
3. Mipi kha thahrum in tlaihhrem an timhnak le an tuahsernak kha ngol in kaltak hna sehlaw mipi he dirţi hnaseh.

4.Ralbawi zik le cunglei nih mipi harnak pek le uk dingah an fialmi hna kha hnuchit i  mipi fialmi le mipi runvengtu ah i mer hnasi.Cuti an tuah long ah mipi hrinmi ralkap buu ansi lai i mipi he kan i daw lai. Tulio buainak hi anmah nih an kau mi Mei cii asi, mipi nih kan sermi buainak asi loh. Mipi nih buainak tuah le thok tu phun in sual neknak le palh phawtnak tuah timh hna hlah seh. Zerkhut le sualchimpit ziaza hman in an tuahmi vialte mipi ah neh i timh hna hlah seh.Credit-Chin Morning Star News

Be the first to comment

Leave a Reply

Your email address will not be published.


*