Tutan MAH nih aanating cu aa chuahsual ko lai,

Tutan MAH nih aanating cu aa chuahsual ko lai,a ruang cu MAH ralkap meithal tlai kho thong 40 hrawng lawng an si i mah hmanh ahcun cun raltu kho thong 15 tluk lawng an si ti si.

AA ralkap le Min Aung Hlaing ralkap raltu kho milu an i zat luklak cang tikah SAC ralkap cu tei fawite an si ko lai.

Hriamnam bel kan i thlau deuh le si,ralkap thazaang koko ruah cun,KIA,KNU pawl telh lo hmanhah SAC ralkap le AA hi aa cil khim luklak  an si cang.Credit-William HC

CAWISAN AWK TLAK CAWISAN.Mah le mah zei a rel set lomi miphun, miphun dang ahleihluat in zohsan a hmangmi miphun si cu kan tefa caah ka duhpiak hna lo.

Laimi si ruangah niam deuh, miphun dang si ruang ah san deuh timi lungput cu sal lungput a si, minung cio kan si, hrinnak ah kan i rual; Pathian sermi ciocio kan si ti hi kei ka pomning a si.

Cawisan awk a tlakmi paoh cawisan cu kan nunzia ah a ttha tuk teh. Kan Laimi zawn bel ah i soisel ah cun kan khul a rang ngai lio ah cawisan awk tlak cawisan bel kan chambau deuh ko rua.

Kei ka mit ahcun cawisan awk tlak i ka ruahmi hna lak ah vawleipi pommi medical doctor tehna, nurse tehna, lawyer tehna le thiamsang dangdang kan miphun hmai a hngaltertu pawl khi an i tel. Hi bantuk minung pawl hi cawisan kan daithlang deuh rua; kan daithlang man nih a hun chuahpi khawhmi thil an um. Cucu anmah bantuk si ve duhnak thinlung kha kan tefa mit le thinlung a luh a har kho; zeidang thil pumrua dawh lei le hlasak lei phun tu an lung a lut deuh men lai. Hihi an nu le pa tuahsernak phichuak a si kan ti khawh lai. Kan miphun a tenau timi lungput kha kan i hngalh lo kar ah a ronhtu kan si men lai.Credit-Salai B Chan Khar

Be the first to comment

Leave a Reply

Your email address will not be published.


*