Tutan Kan farnute ruakvuinak kongah thlanmual ah aruak an tthial ti thawng kan hun theih caah tlawmpalte hna ngam deuh.

Hi thil kan tonmi ah a ho nan lunghmanh an tthat ter cio hna lo! Mah btk thil kan ton tikah silhnalh piak le phetchem phun in um le va chim tthat piak loding mi asi,a ruang cu mah btk thil fihnung a tuahtu kha a lem hna lai caah tuah nolh kha an duh te rih lai.

Tu kan naunu ruakvuinak kongah a ho party Cozah tlaih lio ah dah mahtluk fak ngaihchiatnak kan ton hi si. MP ttha le fel hna nihcun a penchung ramah thil dawhcah lo a chuak sual lai maw tikha fakpi in a zoh le venmi a si. Chin party Cozah tlaih lio zong sisehlaw kan mawhthluk ko hna lai,a ho party MP an si zongah an mawh tuk rumro kan ti ko hnga.Maw,central lei ah dah mah kong hi thirhri nan tuk hmasa,central nan pi le pu nawlpeknak in maw nan tuahmi si?.

Democracy muisam in aa hruaimi kan si caah ziah mah tbk thil kan tonmi kongah Thangtlang peng chung MPs hna,a bik in Khualhringtlang nih rak voted mi MP aw-aan zapi hmuh dingah a langh rih lo.Mipi nan ai-awh caah an dirpiaktu hna ding caah vote ka pe ulaw tiah an rak kan lemnak vialte hna kha,chiat tthat kan ton tikah an kan tlau tak dahra.

Zei bantuk department ah bawi an si zongah an thiltuahmi a diklo tikah MP pakhat nih biatak in au hnawh khawhnak nawl nganpi a nei, mah i an duhlo ahcun central pi ah report atuah khawh colh,MP pakhat nih mah zungrian ttuan nu/pa hi adiklo tiah a ti ahcun hmual aneihtuk caah Cozah nih biatak tein an kherhlai colh tawn.

Malaysia in kawlrawnah,kawlrawn in Chinram ah an rak lanhter ko cang mi,mah kan naunu ruak thlanmual vui lo dingah a khamtu hna kha; kan MP hna nih rak zoh sawh hna hlah uh,dantatnak lam rak kawl hrimhrim uh.

Covid-19 rungrul nih ruakkuang a bauh in ruakkuang chin a hawng kho lo;a ruakhum tu le thlahtu hna kongah Social Distancing tuah ah a za ko. Miphar thinghmui zoh in a zohtu hi a hodah nawlnei tu bik cu si reng reng.Kawlvai an si pek,Chinmi an si pekah zoh liam sawh lo ding si lai.

Cun,Laimi a tam-u cu,kan MP hna hi mipi zong nih hmanthiam hna aherh,bawi zoh in cho zohah kan zoh peng hna ahcun kanmah mipi ai-awh dirpiaktu dingah kan thim mi nih mipi lila kha akan rialdit colh lai,kan ai-awh na si caah kan herhbau mi kan phihkhar piak,na duhlo cun na MP sinak in kan in thlongh lai hih tiah a herhnak ah a lang ngam lo tu, MP kha hro le tlerh hna ding an sive.Taantakmi chungkhar Bawipa nih in hnem ko hna seh,Credit-William HC

Be the first to comment

Leave a Reply

Your email address will not be published.


*