Tuluk (China) nih kum zabu 21 chungah vawlei hi tlaih le uk dih ai tim ve.

Kum Zabu 21 Ngai Te!Kum 2020 chung vialte cu vawlei ah Covid-19 a caam i, ram le cozah tampi nih himnak caah kharnak (lockdown) zong an tuah. Kum dang i, rak tuah tawnmi nuamhnak puai, xmas le kum thar tbk hna zong “mah chungkhar” cio in an kan hmanter. Kum zabu 21 hi ttihnung ngai chan a lo.

Kum 2011 hnuin, terrorist nih vawlei an hnih i, minung vialte an kan lauter dih. Thinphannak le harnak tampi an umter caah, tuni tiang thinlung hnangam loin – an kan umter.

Kum 2018 ah Facebook nih facebook hmangtu million 87 hrawng data cu “Cambridge Analytica” a rak lakter in hrawmh hna. Pumpak thil (data) le konglam (social media / internet) chiahnak ah ttihnak a chuahter.

Kum 2020 ah “BLM” nih vawlei a hninh ve. Lamzawhnak tampi an tuah, buaibainak le hnawksaknak zong tampi a chuak ve. Biaknak, miphun le vun (cuar) ai dangmi hi hmunkhat ah “ai tluk le ruang” bak cun umtti taktak khawh si rua lo?

LGBT zong kum zabu 21 ahhin an tthawng thluahmah. 2006 Sau Paulo lamzawhnak ahcun million 2.5 bak an rak si i, 2019 New York lamzawh ahcun million 5 an rak si. LGBT dirpitu le dirkamhtu an karh thluahmah.

Tuluk (China) nih kum zabu 21 chungah vawlei hi tlaih le uk dih ai tim ve. USA cu a lam kip in zuamcawh thluahmah lio si. Rian an ttuantti khawh lo sual cun, vawlei ralpi 3nk hmanh a chuak kho men? Tulio 2021 ah an mirum Jack Ma zong khoika um an thei ti lo cozah nih fir le erh dawh a si tiah an ruah cio.

Kum 2021 cu Covid-19 he vawlei minung vialte nih lawmhnak le ruahchannak he kan don. Vaccine zong chunh pah thluahmah si. Cu lioah England in Corona ttengnge thar nih vawlei a therhter liopi si. Chiat lei dirhmun ai panh ceo khi kan si. 2021 zong Covid-19 he kan tlongleng ko hna lai hih.

Note: kum 2000 hnuah; thlichia, lihninh, tilian, raldohnak le zawtnak dangdang tbk kong cu ka van hrial hna. Hmailei ruah ah hnangam tuk cu si lo, nain lungongh ding cu si ve lo.

Covid-19 Nih Chuahter Khawh Dingmi 1.Thlarau mangttam tlunter lai – Covid-19 dih in minung nih biatak kawl in an vakvai cio te lai. Tulio chimmi sermon tluang, thapeknak le rumnak gospel tbk nih nunnak ah hmualngei ti lai lo. A chia le ttha, a dik le palh, a tak le deu tbk kong ah ralttha in ummi minung kha, fuhpanh an si te lai.

2.Vawlei chawlehnak a kiak lai – tulio dirhmun hoih in Covid-19 hi um peng ahcun, chawlehnak le cozah dirkamhnak nih a chei lo caan phan te lai i, “system rawhnak – system collaps” a tlung lai. Cucu a can taktak si cun, kum 1930 le 2008 lio nak let tampi in a fak te lai. Vawlei chawlehnak a rawhter si cun, a phunphun in buainak le harnak (lamzawhnak) tbk um tthan te lai.

3. Minung lungdonghnak um lai – tulio minung tampi nih thiamsang (science), technology, tangka le cozah hi bochan an si. Covid-19 hi minung thiamsannak hneksaktu si. Vaccine nih tthatnak tlamtling a chuahpi lai lo i, vawlei cozah, thiamsang le minung an lungdong te lai. Minung hi kan lungdongh cun, ttihnung bikmi kan si tawn.

Note: tthihpheihnak si loin, ralrinternak in rel ding si lai. Bible rel le thlacam daithlang hlah. Vawlei hi detdut tiah “a vei kho”.Credit-Van Nun Lian

Be the first to comment

Leave a Reply

Your email address will not be published.


*