Tulio NLD sin ah biahal nak a um tonmi tete bialeh nak. Part 1NLD nih zei ruangah Section 261 remh a duhlo?

Section 261 ti mi cu Ram pumpi President nih Pyine Hluttaw chung in Chief Minister CM cu athim lai ti asi. Cu Pyine Hluttaw ah Ralkap anni tel ah cun,CM ah ralkap an lut kho. Cun 2010 kum thimnak an luh lio ah section 261 cu kan kil ven lai tiah min an thut. 261 remh ah cun Chief Minister ah Ralkap nih hmun hma anlak khawhnak lam a um caah NLD nih aduh lo. 25% hi Hluttaw in i dih hna seh law cu,261 hi remh zong an duh ko hnga. Cucaah 261 remh nih federal lei panh pi lo in hnu lei kirnak asi kho.

  1. Lai Party nih Coalition(ညွန့်ပေါင်း)cozah kan ser lai. King maker kan si lai. Tlangcung mi vialte kan i kawm lai.NLD nih an kan sawm lai timi kong ah.

Kum 2008 phunghrampi ah Coalition(ညွန့်ပေါင်း) cozah a um lo. Pyihtaungsuh Hluttaw ah Mee a tam bik nih Tamadah ansi lai,cu Tamadah pa a umnak Party cu cozah an si lai. Cucaah King Maker an um thiam lai lo. NLD caah midang sawm hau lo in cozah an ser khawh lai cu afiang chin lengmang. Cozah an ser khawh sual lo hmanh ah amah he policy aakhat mi, amah adoh lomi asawm hnalai.

CNLD cu NLD adoh tu ah hmuh asi bantuk in sawm ding ah ahar ngai. 3. Laimi cu Chin party ah kan um ding asi. Zei ruangah Kawl Party(NLD) ah nan um akan timi kong he pehtleih in.

Chin party hi aho set dah asi? ZCD, ZNRDP, CNLD,CNP,ENDP,KNP tiin Chin Party tampi cu Chin State chung ah thimnak ah an lut. Phunghram pi Section 364 ah miphun le biaknak hi politics ah hman lo ding tiah upadi nih akhap. Miphun thleidan in biachim hi thil tha lo achuah pi kho mi asi. A cunglei Chin party hna hi hmunkhat ah an ttang tti lo.

NLD cu Pyihtaungsu party asi. NLD party CEC chung ah ttaingyinta minung kan theih mi 7 tiang an i tel. Cuhna cu.1.U Ngi Puh2.Nang Khin Htwe Myint 3.Maan Johnny taba padih4.Pu Zo Bawi 5.Khin Htay Kwe6.Tun Tun Hein7.Nyan Win

An i tel. Laimi le Lairam kan dawt caah NLD ah kan lut. NLD kan um ruang ah laimi kan sinak le kan ttanpinak pakhat hmanh azor lo. Cu nak cun,NLD kan um ahcun kan khua le ram sersiamnak ah thazang kan ngei deuh lai,kan khuaram tthanchonak caah rian tam deuh kan ttuan khawh deuh hrim hrim lai. Party hruaitu kha hodah si tizong kha kanzoh ahau. NLD party cu Miphun thleidan nak angei lo tiah hmuhkhawh asi. Bianabia ah Chin miphun zong Vice President akanpek. Pyihtaungsuh level sangbik 7 lakah tlangcungmi 5VP,Hluttaw Speaker 2,Vice Hluttaw Speaker 2 anni tel. Cucaah NLD cu Pyithawngsuh Party tiah kan ti khawh nak cu asi. Kan rak peh tthan telai.Credit-NLD Hakha

Be the first to comment

Leave a Reply

Your email address will not be published.


*