Tulio Mandalay pengkulh ah Dalaan Khuabawi Palik le Ralhrang a phomh

Tulio Mandalay pengkulh ah Dalaan Khuabawi Palik le Ralhrang a phomh pengmi mipi caah RAMBO bantuk a simi cu “ZERO” ralkap phu an si uar an um taktak. Nifa ti awk in thil an tuah.

Nihin zing deilei zong ah Zero phu nih Mandalay ramthen Minchain peng palik sakhan an kah than a tlawmbik palik pahnih an thah khawh hna hma an bat mi zong an um. Minute 20 tluk an i kah hnu ah him tein an kir than.Credit-Tluang Ceu Thang

Adang relthan:Mi tam deuh hnatlaknak in biakhiah. Laimi nih mi tam deuh hnatlaknak in bia kan khiah tawnmi hi cu biatak ngaingai kan kheng kho tuk theng rua lo tiah, a luan cia kum 10 lio hrawnghrang ah ka rak ti len tawn. Cuticun atu tiang zong ka ruah ko rih. Zeicadah tiah, mi tam deuh hnatlaknak bakin Bawi Jesuh hmanh an rak thah sikaw, ka ti ko. Online chung hoi hna hin cun mi tam deuh hnatlaknak in zei ngaingai kan chuahpi kho bal lai lo dah.

Naite taktak ah Tiddim Evangelist pakhat(a min zong ka theih ko)nih mi tam deuh hnatlaknak in timi hi cu mirang caah a hmaan bak nain, Laimi caah cun a dik kho lo a timi online chungah ka hmuh ve. Zeicadah tiah, mirang cu a fimmi an tam deuh khe i, Laimi  tu cu a fim timi kan tlawm deuh tuk ve tawn caah β€˜β€™mi tlawm deuh hnatlaknak in’’ ti khi siseh law, thil dik le thil hmaan kan khen deuh lai a ti ve. A chim lio cu capo a lo ngai i, mi zong an ni len ve. Nain, a taktak ahcun a si taktak mi a si ko.Credit-Perhkalh Thawng

Be the first to comment

Leave a Reply

Your email address will not be published.


*