Tulio Chin Chief caah ai tlak bakmi Pu Ngai Sak

Hi bantuk caṭial hi kai suum ngai. Riahbuk ca interview ka tuah tawn hna hmanh ah, “Chin Chief hei si law” ti phun khin saduhthah biahalnak khin an ruahnak ka rak khoih tawn hna.

Pu Ngai Sak hi 1988 generation pakhat si ve. Pi Suu kong zong atu i “kan pi, kan nu Suu” ti phun in ai biakter leenmi Langak pawl nak tam tuk in a theitu si. Cu pinah a phungthiamnak bak in Yangon khuapi ah pawcawmnak profesional level lawyer pakhat dirhmun in a dir khotu pa a si.

Hakha Langak sihni cheukhat khi a kuttang ah rian an rak ṭuan bal. Amah sin khin cawngthai khawhnak lam an rak kawl bal.
Mah tluk pa fit pa za si naan, Hakha lei nih a kong kan rak hngalh tuk rih lomi, kan Lai pasal ṭha taktak a si.

Anih khi kanmah Laimi sin bia a chim tikah tangdor le upatnak tein bia a chim tawn. Kawl pawl lak belte ah, zei bantuk siangpahrang phun thuam le rumra hmanh zahnak a ngei kho lomi, kanmah Chin miphun ca lawng si loin Tlang cungmi hna caah kam a pau ngammi pa salṭha taktak a si. Ka van uar khun biknak pakhat cu, keimah bantuk in, ah-laa-pah-tah laa-pah biahram domh mi faknak chim a thiam lomi pa a si.

Second VP2 lawmhnak puai lio ah ka rak itel. Ah-la-pah-tah-la-pah cu a tam tuk lawpaw khi si. Kan puai ah a rak itel bak lomi Pi Suu caah an i ah-laa-pah-tah-laa-pah mi cu si cuh. Pastor koko bak nih “Pi Suu a min thangṭhat si ko seh ti phun deng in an von thlir tuk tikah khan cun…. Laimi hi kan thi a rak pan tuk lawmmam…” ti khi a rak ka ruahter.

Cu lio ah cun kan pu Khong (LHSK) biachim nih ka thinlung cu a rak hnemh ngai. Ah-la-pah-tah-la-pah ai tuahter tuk hmasami bel nih zeidah cang ti phun in a von ka ruahter pah, ka hnak a ka doh pah nain a bia a van pil deuh tikah, ka ruah thiam. Ka upat ngai fawn.

Pu Ngai Sak biachimnak tete zoh khin a lungput zong hmuh khawh ngai a si. Mah miphun cungah cun, santlai lo ca zongah tangdor a thiam lai i miphun dang sinah cun a lu, mipi ṭih tukmi an timi zong khi a ṭih bak hna lai lo ti in ka hmuh. Matupi ca lawng si loin, Chinram pumpi hruaitu dingah ai tlak bakmi pasal ṭha a si.

Cucaah Matu ram kan unau hna nih amah ai cuhnak hmunhma ah cun hmunhma pek bak i kan Chinram caah hmaisuang in lam kan kalter a herhmi phungthiam mifim a si hi kan itlaih khawh a herh ngai.

Ramkhel rianṭuantu dingah khin pol science pawl khi thil thei ah nan ruah men hna lai. Si lo. Pratical ah cun phungthiam pawl khi kan herh hna. Pol science pawl cu journalist ṭuan hna sehlaw ramkhel minung pawl khi an khalh bik hna lai, cucu a si.

Pu Ngai Sak bantuk miphun daw, phungthiam nih kan ram an hruai i mi zapi kan ruahnak an laak ko ahcun, kan ram cu kum 10 chungah Kawlram chungah cun Kawl zaraan banh khawh lomi paradise bantuk ah kan ser khawh lai. Ram sernak strategy hi mah ram daw le mah phun ṭanh nihcun an ingeih dih. A herhlo ah an phuang lo. Kan phuang lo.

Kan miphun nih cozah ser tuah hna ngat seh. Nan theih bal lomi thil tamtuk a ra lai. Kan mifimthiam hna sin in ram sernak caah lam tamtuk thim ding kan ngei te lai.
Credit-Salai C Alexander

Be the first to comment

Leave a Reply

Your email address will not be published.


*