Tuchun ralkap nih Myanmar ram uknak a laak ni ralkap le RCSS/SSA kar kahdohnak a chuak

2021 February 1 ralkap nih uknak a laak hnu Cozah ralkap le Shan ralkap RCSS/SSA hna cu Shan ram thlanglei Lin-Khe pengkomh, Mai-pan peng chung ah an i kaap tiah TaiFreedom media nih a langhter.

Tuchun suimilaam 7:50AM ah Lin-Khe hrambunh Myanmar Cozah No. 99 chi-hlin-tat (ခလရ-၉၉) i minung 35 fai hna nih Mai-pan peng chung um Shan rapkap RCSS/SSA sakhan ah va fuh hna i hmaitonh in minute 10 chung Naa-Mun khuatekomh nichuah lei Nawng-Lay khua pawng ah an i kaap.

Hi an i kahnak ah kaphnih ralkap lei in a thimi le hliam a tuarmi cu an um rih lo tiah an langhter.Cun, nizaan January 31 zaan zong ah RCSS/SSA le Cozah ralkap kar ah kahdohnak a chuak. 2021 chung ah voi thum tiang an i kaap cang tiah theih a si.
Taifreedom credit-The Hakha Post

Adang rel Than:Tuzing phone line an thah dih lio kha Yangon khuachung ah ka kal, kei ka ruah ning ah cun lam zawhtu tam taktak an um cang lai, 88 lio bantuk ralkap duh lonak an langhter len cang lai i a herh ahcun kai tel khawhnak lam in i tel ve ding ka tuak cia.

Nain, Sule ka phak cu ka khuaruahhar taktak, lam zawhtu phu khat tal hmanh ka hmu hna lo. Khuachung ah police le ralkap zong ka hmu hna lo. ATM a bawhmi phu lawng ka hmuh hna. Yangon cozah zung hmai ah USDP pawl lawmhnak hla an sakmi cu ka hmuh. A mak ngai ka ti. Atu ning in cun vawleicung ah Myanmar hi aa-naa ting fawi bikmi ram si dawh a si. Credit-Salai Lungthli Tum

Be the first to comment

Leave a Reply

Your email address will not be published.


*