Tu kum cu kum dang tawn bantuk si lo in vawlei cung dihlak COVID 19 zawtnak ruang ah Christmas zong duh ning in hman khawh asi lo tik ah

Dear Miphun hawi dihlak hna .Nan umnak le nan riantuannak le nan sianginn kainak cio ah Bawipa kilvennak le zohkenhnak cu um ko seh tiah thla za kan rak in cam piak hna.

Kan Pathian um pinak le lam hruainak thawng in aliam cia mi kum 2017 lio khan rak awt mi New Life Center Kalaymyo – Myanmar cu nan thlacam pinak cio thawng in alam kip in a thangcho ve leng mang ti kan hmuh tik ah ka Pathian cung ah le achung um mi riantuantu hna cung ah le thlacam pi tu nan dihlak cung ah kan i lawm tuk hrin hren.

Tu kum cu kum dang tawn bantuk si lo in vawlei cung dihlak COVID 19 zawtnak ruang ah Christmas zong duh ning in hman khawh asi lo tik ah Bawipa nih caan tha akan serpiak i New Life Center campus chung ah kan fa le sifak rethei ngakttah le chungkhar kehkuai ruang ah aum mi minung 20 hna le lenglei in ngakchia le Mino Minung 50 tluk an zapi te fonh ah Minung 70 tluk nih sunglawi ngai in Christmas caan hmannak le lentecelh nuamh tti nak in caan an hman khawh tik ah kan lung alawm tuk hrinhren. Kan Pathian nih sunparnak co seh law ngakchia te Mino hna nih sertu Pathian an hngalh le an zumhnak ca ding ah si ko seh.

Kan Pathian nih kum 2021 lei ah cun khuacaan tha a kan serpiak ah cun computer cawnnak, mirang ca cawnnak le sehttih cawnnak zong awt kho ding in timhtuahnak kan ngei. Cu ca zong ah cun Miphun hawi hna nih nan thlacamnak in siseh nan ti khawhnak cio in itel ve in thazang nan kan pek cio nak ding zong kan rak in sawm chih hna.

Hi New Life Center Kalaymyo – Myanmar  cu Pathian nih abik in Kawlram chung ah sifak santlai lo cem mi Chin Miphun hna kan fa le ngakchia le Mino hna alamkip in an thancho nak ding ca le hmailei ah mah le pum bawcawmnak rian tiang an hmuh khawhnak ding caah le khi ka campus chung an um lio hrim hrim ah khin Jesuh cu ka khamhtu le ka Bawipa asi tiah an zumh i Khrih ah Nun thar an ngeih khawhnak ding kha i tinh mi cu asi.

Afiang lo mi um ah cun pumpak in thawng ihal chap khawh zong asi lai.Nan dihlak siaherhnak he.Credit-Emmanuel Cinzah le Chungkhar New Life Center  Kalaymyo – Myanmar

Be the first to comment

Leave a Reply

Your email address will not be published.


*