Tu hrawng cu US election le Kawlram election boruak nih kan thinlung/khuaruah nak zeimawzat hmunhma a laak ngai.

Tu hrawng cu US election le Kawlram election boruak nih kan thinlung/khuaruah nak zeimawzat hmunhma a laak ngai. A hoho an va tlin/tlin lo ah: cu hna pawl cu kan nunnak ah lawmhnak le hna-ngamnak taktak aa kan pe khotu an si lo. Cucaah Pathian lei ah thazaang laaknak tlawmpal ka vun ttial.

Lazaruh cu a thi. Mary le Martha cu ngaihchia-mitthli he lungkuai in an um. Lazaruh cu an vuinak nili asi cang. Mary le Martha nihhin Bawipa cu a tlai tuk, tiah an ruah ko lai, ka zumh. Bawipa cu an sin a va phaak hnu ah: Martha nih a thawh ii: “Bawipa, hika ahhin rak um law cu, ka tta hi a thi hnga lo,” a ti.

Asinain, an tta a zawt lio siseh, a thih siseh, Bawipa nih a rak theih dih ko hna. An ngaihchiat-mitthli tlaaknak vialte zong Bawipa nih a rak theih dih ko. Anmah nih an rak theih-phaak lo lio caan zongah Bawipa cu rian a rak ttuan cuahmah ko. Bawipa nih a caan za, a tiah cun nili an vui cangmi Lazaruh kha a nunter tthan ko. John: 11

Na nunnak ah a rawk cang tiah na ruahmi siseh, na lungdongh ah siseh, na ngaihchiat ah siseh: Bawipa sin ah thla na cam nain, Bawipa cu a tlai tuk, tiah na ruah caan um kho ko.

Bawipa nih a rak in theih dih ko. Na nunnak na tonmi vialte Bawipa nih a rak hmuh dih ko. Na rak hmuh khawh lomi chungin Bawipa cu na caah rian a ttuan cuahmah ko. Na caah thil ttha thluachuah nak a rak in timhtuah piak cuahmah ko.

Bawipa cu a tlai tuk, tiah na ruah ahcun: cucu nangmah sining he ai tlaak in Bawipa nih hmailei ah thluachuah tampi pek an timhmi ai lim (ready) rih lo ca tu ah asi. Bawipa cu a tlai bal lo. A dawtmi a fale caah a khuakhaannak ai palh bal lo.

Na nunnak ah zeibantuk dirhmun-sining na um lio caan ah siseh, zeitik caan poah ah siseh: Bawipa nihcun an dawt peng ko. Amen!Credit-Salai Van D Ceu

Be the first to comment

Leave a Reply

Your email address will not be published.


*