Tthanchonak ca i a herhmi 1:Kan rak ruah lengin kan pawngkam minung le thil um hna nih INFLUENCED an rak kan tuah, ti a si.

Tthanchonak ca i a herhmi 1:A caan ahcun kan tthancho khawh nakhnga KANMAH kan i remh le kan i thlen a herh caan a um i, a caan ahcun kan pawngkam MINUNG le THIL pawl kha kan thlen a herh caan a um ve. Mah le mah i remh le i thlen a herhnak kong cu tampi kan theih cang. Sicun zeiruang ah pawngkam minung le thil um pawl cu remh le thlen an herh? A tanglei ah a tawifiannak in kan hun zoh hna lai.

Kan rak ruah lengin kan pawngkam minung le thil um hna nih INFLUENCED an rak kan tuah, ti a si. Tahchunnak ah; Kan komhmi hna hawikom, kan umnak nunphung, kan tthannak chungkhar, cun kan hmanmi Social Media i a hun langmi hmanthlak, video le caa (feeds) tete tiang khin an si. Nifatin i kan hmuhmi thil le kan tonmi hna minung nih khin kan ruahnak, kan ziaza le sining (character) pawl kha influence an tuah hna. A chia si ah, a ttha si ah kan duhmi kan duhnak a ruang, kan tuahmi kan tuahnak a ruang le kan nun lamthluan kan zawhmi kan zawhnak a ruang khi kan pawngkam minung le thil um hna ruang ah an rak si ttheo.

Cucaah kan pawngkam minung le thil um hna hi kan tthanchonak ding ah a kan bawmtu a simi an si a herh. Kan ca i san a tlai lomi thil le dawnkhantu kha san a tlaimi le hman awk a tlakmi thil he kan thlen hna a herh i, kan ca i a ttha lomi minung kha a tthami he kan thlen hna a herh fawn. Thei kung a tthang kho lomi cu a kung kha remh loin, a umnak vawlei hram kha kan cuat, belh kan phawi i ti kan toih.

Nitlang a herh deuhmi a si ahcun ni a ttal deuhnak hmun ah kan tthial. A pawngkam kha kan remh i kan thlen hna. Mah bantuk in a caan ahcun kan tthanchonak dingah lam ttha bik cu kan pawngkam minung le thil um hna thlen kha a si tawn.Cherhchan: Heijer Alexander. (2018). Nothing you don’t already know: Remarkable reminders about meaning, purpose, and self-realization. South Carolina; CreateSpace Credit-Roro Fambawl

Be the first to comment

Leave a Reply

Your email address will not be published.


*