Trump tlak ruangah datsi man kai si lo.

Bitcoin (BTC) le Zaangtii (Oil).Na phaisa ting 200 bak khi tangka hnah zong si lo, suitlang zong si lo, Internet sawh ahkhin “fang khat te cu na nei ve ko e” ti in theihpinak te he, na kut in na zoh khawhmi na ph cung theihpinak telawng bakin na burh ngam lai maw?

Fawi lo. US $ 10,000 man Bitcoin cu Australia ah na cawk i cucu Malaysia ah thoh na duh. Siloah kuat na duh. Na thoh duh zat, na kuat duh zat na thoh, na kuat nain, kuatman zeizat hmanh dih ti lo. Thoh man liam hau hoi lo.

Karlak minung puaisa siloah bank zeihmanh nih amiak an ei ti lo.Zeitluk in dah a hlawk?Mah caah Bitcoin a laar khunnak cu si.Bitcoin hramthawktu pa cu a min ah Japan min a si. Nain, Japan miphun theng si lai tiah an zum cio lo. Scandinavia leimi pa si dawh bik in an ruahdamh. Cu pa nihcun Bitcoin 1 million hrawng a ngei cang lai tiah an zumh. 1 BTC Over 19,000 US dollars si.

Kan hnu deuh i Bitcoin kong pelte ka thai lio ahkhan BTC pakhat ah $ 18,000 fai lawng a rak si. Second pakhat hlanah a man khi a kai duahmah peng. Atu zong a kai thluahmah peng ko. BTC lawng cu mithmuh bakin a kai thluahmah khomi cu si.

A kai rih lai maw?Keimah pumpak zumhnak cun a kai thluahmah rih lai. Rang taktak phawh hnih thum zong in aa khawt chin te kho. Biden nih Inauguration a van tuah, Ni 100 chung timhlamh nak a ngeih hrawng khin cun, aa normal te kho.

Zei ruangah dah a kai hnga? Trump uar minung lawng khi vawleicung mirum ah kan ruah sual men hna lai. Kan theih lomi Tuluk, Japan, Korea mirum an tam tuk cang. Khi pawl nihkhin cun, Asian mi an si bang, sungh zong an ṭih lo. Miak ding lam an hmuh cun, a burh in an phaisa an burh ngam. East Asian pawl cu taklawng in an taan zongah a zei poici an si lo cu. Thaap phunphai cu an ngamh tuk!

US ramchung hrim zongah Bitcoin a zumtu an tam lengluang ti si. Ziah tiah cun, cozah lei in renghnak phunphai le Bank nih rii a khiahpiak khawh lo caah khin si bik.

US dollar cu sui (gold) bak in a man an rak tah. Dollar fang 20 an ser tikah sui fang kul 20 man khi US Reserve Bank nih a chiah. A sullam cu Dollar $ 10,000 na ngeih ahcun, cucu Sui thong 10 man na ngei tinak khi a rak si.

US cozah bank nih sui tamlak a rak ikhon kan ti ko lai.Nain, US dollar zong cu sui in a man tahnak tuah ti um ti lo. Bank nih bonds timi catlap sawhsawh khi an chuah i private bank pawl kha an zuarh hna. Sui in tah si ti loin, bonds in tah a si. Cucaah, nihin US dollar cu hlan US dollar he aa khat ti lo, tiah an ti.

A sullam cu ram kip cozah bank nih bonds cu an chuah cio. Kawlram cozah bank zong nih bonds catlap cun private bank pawl cu a cawlter hna. Nihin kan hmanmi phaisa hi cu bantuk cu an si dih ko cang tinak khi si.

BTC tu cu na phaisa a thian pek, thian lo pek ah, digital in internet ah fim a si. Zeizatdah na ngeih ti kha hlen awk ṭha lo, chut-tu ding um lo, ngunkhuai kholhtu ding um lo bakin tah si ai.

Tikah, Zabu 21st minung nihcun an uar kho tuk cang.Bank cheukhat nih an rem lo. US ah cun, CHASE sertu JP Morgans ti phun nih a hua kho tuk. Zeicahtiah, bank nih an miak hnga dingmi kha an miak kho ti lai lo.

Cozah cheukhat zong nih an rem lo. Zeicahtiah, bingcing, bingzuar tbk pawl phaisa nak pawl vialte vawlei ram kip ah a cawlcang lai ti an phaang. Nihin ah BTC pakhat cu $ 19,000 renglo deuh a si. Second pakhat hnu pakhat in a man a kai ziahmah.

Na caw lai maw?Lai mirum ai timi nihcun cawk ve ding si ko. Tu hnu thla hnih tiang paoh cu a kai ding aa fiang. A kai thluahmah lai. Nihin $ 19,000 man kha $ 50,000 man i aa chuah ahcun, cu nak a hlawkmi business cu vawleicung ah a um ti lo.

Tinam chuak zaangtii (Oil) Zangti” ti lai uci. Petroleum ka dih duhnak a si. Stock ah cun, “Oil” ti si ko lai.Coronavirus ruangah “Tinam” man cu a ṭum khawh chungin a rak ṭum. Minung aa chawkmi pei an tlam tuk cu.

2021 cu Covid-19 sii ai chun dingmi pawl nih an taw an ipirh lai i heh maw tiah damnak sii an ichun cang lai. Petroleum man a kai lai.

Nihin barrel pakhat ah $ 45 an timi khi kum voi ahcun let hnih tiang a phan kho. Cucu ai fiang bakmi a si. Leh hnih lawmmam kai lo dingin cozah nih an control leen zongah a ngah lai lo. Le thum tiang a phan ko.

Zeicah gasoline man cu a kai lai? A man a tlaak caan pei sau tuk cu. Company pawl nih an rak sungh ciami vialte irolh khawhnak dingah cun, a man khi let hnih thum li tiang an kaiter ta a hau.

Trump tlak ruangah datsi man kai si lo. Coronavirus ikhamhnak sii an hmuh cang caah a kai tu a si.Na phaisa rak phum. Tu hnu thla thum ah na hlawk lo bak cun, na duhmi paoh. Na hlawk tikah, nan ka dangh hau.Credit-Salai C Alexander

Be the first to comment

Leave a Reply

Your email address will not be published.


*