Trump ruangah US a buai lo, thukpi in a pil cangmi doh ngamtu umchun a si caah an i sawhkalh dih le si!

Trump ruangah US a buai lo, thukpi in a pil cangmi doh ngamtu umchun a si caah an i sawhkalh dih le si!An fimthiam chinchin an thlarau nun a pil chinchin.

Laimi nih Trump kan ṭanh hi tahfung 3 ruangah a si bik ko.Trump hi a nuncan le ziaza ai dawh kan ti ruangah kan ṭanh lo.Trump hi minunnêm a si kan ti ruangah kan ṭanhmi a si lo.

Trump hi midingfel le mithianghlim a si kan ti ruangah kan ṭanhmi a si lo.Trump nih râlzâm lâk kongah thleidan le phihkharnak policy a ngeih men ruangah kan doh ngam ding a si fawn lo. Khrihfa mit in ningzak si.Trump kan ṭanhnak chan cu Israel hawi ṭha bik president a si caah a si.

Trump kan ṭanhnak chan cu hurhleisual a doh caah a si.Trump kan ṭanhnak chan cu pum chung nau  nunnak a ṭihzah, a upat le a kilven caah a si.Hi pathum (3) hi a chiatnak dang vialte nakin an ngan deuh.US democracy system cu Lai zarân caah zei tluk in va thûk in va lianngan hmanhseh a cung pathum (3) an zulh lo poh cun ‘aih’ ti ding si ko.

Cu menmen, kha menmen kha ṭanh le ṭanh lo kan timi cu si. Kan thleng in kan mer kho lo. A langmi sual kha doh ve ding si mei.Fiang tuk lawmmam in a langmi sual lianngan 3 kha Trump nih a doh ve caah kan ṭanh men. Cucu vawlei Khrihfa tampi nih kan zohmi a si lai dah.

US um lo nih cun an i hruai ning hi kan pemh kho lo ti phunphai in a chimreltu nih aruang set nan chimchih fawn lo. Purhdahthiam nih hin cun a chan tampi chim khawh rai si. Chim hleng ṭung loin Trump ṭanh a palh nan ti men.

Cucu Trump ṭanhtu Chin tam deuh nih kan i hrawmmi a si tiah ka ruah. A dangpi khi kan theih zongah purhdah a hau lo.Biden a van tlin tikah ram hnihnak râlzâm ca le i kawhauhnak caah a ṭha deuh ko cuh kan ti cio ko.

Mah cu Trump ṭanhtu he Biden ṭanhtu he kan i zawnh dih cio ṭhiammi cu si ko. Asinain, atu hmanh i tawkahur le naute thah phu pawl ṭanh cu anmah tluk cio pei kan si lai cu, kan i hnaw tuk rih.

A fimthiam chinchin, a thlarau mit a caw chinchin ram ah kan hung tam ngai i, kum tampi hnu cun purhdahthiam kan hung karh zuahmah ve lai.

Khrihfa Bible kan nunphung kha  vawlei fimthiamnak in kan cuan lai i, purhdahthiam kan hung karh ve lai. Atu cu purhdah le lunghrinh hmanh kan thiam rih lo caah sual cu sual ti kan i fawih.

Chin mifimthiam cheukhat pawl hi nan thluak nan i kauhter; dawtnak, zawnruahnak le tlukruannak poh hi Bible ning a si lo. Sual cu sual a si ko.

Bible kalh policy dirkamhtu si dingah kan tuan tuk rih; kum tampi hnu cun duh pek duh lo pek ah kan dirkamh lulhte ko lai.Credit-Robertson Bawi Nun Thar

Be the first to comment

Leave a Reply

Your email address will not be published.


*