Trump nih $600 a tlomtuk, $2000 siseh ati hnu in Democratic nih ukmi House of Representatives ah ceih an timh i, Republican nih an kham.

U.S ah $900 Billion Covid Relief fund, $ 1.4 Trillion omnibus Bill le $600 bawmhnak kongkau neknuai.

A voi 2nk U.S cozah bawmhnak hi zu khur cawh i, a tawmei a langh hnik i, a hlip lei tliktthan aa tim lengmang mi ko khi alo cang.

Laimi tampi cu $600 bawmhnak hi kan buai ngai rua ka ti. Trump nih a tlomtuk, US mipi nih $2000. tal cu an co a hau tiah ati. Cutikah ramdang bawmhnak kongkau ah a hnatlak pilonak a langhter.

Ramdang bawmhnak 42 billion hi a herhlo mi asi ati. Sihmansehlaw hi ramdang bawmhnak pawl hi amah kutang cozah lila nih a chuahpi cuami longte kha an si ko.

U.S nih ramdang bawmhnak a pek hi thilthar an si hna lo. Phundang chim ahcun ramdang ah “soft power “ US nawlngeihnak a nemnak in a phumnak tu khi asi. Bawmhnak a pek i amah sin zong hlawknak tampi akir tthan ve.

Tutan Foreign Aid 42 billion hi peklo in U.S mipi sinah pe deuh seh law $160 cio khi tin ding asi hnga. Cucaah mipi bawmhding $600 siloin $760 cio tin ding khi asi hnga cu. Sihmansehlaw US nih ramdang a bawmh i amah a hlawktthanmi he tuak ahcun zei pipa khi asi hnga lo tiah achimi an um len.

Trump nih hi $900 billion stimulus package pi hi minthut duhlo in a veto sual ahcun Congress nih override an tuah khawh mi asi. Asinain Trump nih a veto lai maw minthutloin a kut chung dah a chiah peng lai ti hi afiang hoi lo. Nidang sisehlaw ni 10 chung minthutloin aum ahcun veto lo zong ah phung ah a cang beh ko hnga.

Asinain cucu a si thiam lo. Tu lio congress hi January 3, 2021 ah acaan dih ding asi cang. Trump nih a minthutlo ahcun, a thar in Congress, House he Senate he an chuahpi dih tthan ahau hnga. Cu thil a caan sual cun bawmhnak hmuh than ding cu cozah thar kai hnu long ah tlam va tling te dawh asi. Cu zong cu January 5 Georgia runoffs election phichuak nih lai a rel te fawn lai.

Trump nih $600 a tlomtuk, $2000 siseh ati hnu in Democratic nih ukmi House of Representatives ah ceih an timh i, Republican nih an kham. Asinain Speaker Nancy Pelosi nih hmaizarh nikhat ni, 28December ahkhin House ah $2000 kong vote kan thlak tthan lai ati.

Trump nih hi $900 billion bawmhnak min a thut duhlo ruang ah , 12 million nak tam U.S mipi cu nihin thawk in unemployment benifit an hmu ti lailo. Cozah pi zong tlompal ah khar tthan asi kho men, min a thut duhlo hlei ahcun.

Trump nih le Christmas zungkhar caan ah tiah Florida i a pumpak ngeihmi Mar-a-Lago club te ah golf tuk in dinh caan a hmang lio ve.

Mipi an buaituk mi cu Trump nih tamdeuh bawmhnak pek maw a hmuitinh asi silole hi bawmhnak hi vaivuanhter sawh dah a timh or tlompal ah min dah a thut tthan lai? Ruahchung a har ko.Credit-Kham Pi

Be the first to comment

Leave a Reply

Your email address will not be published.


*