Trump Kan Sungh Ruangah India Zong Kan Sung Chih

Syrian president Assad ralkap nih sivai dat in mipi an kah hna caah hngakchia zong a thimi ah an i tel. President thing Trump nih nu le hngakchia tha a huat tuk.

Red Line a serpiak i Assad nih an pah chih caah voihnih bak missile a kah. Ralkap tamlak te an thi i a nolh ngam ti lo. Russian zong a thimi ah an i tel i a cawl ngam ti lo.

Vanchiat ah Joe Biden cu lih in an kaiter i a tar cang caah khua zong fak piin a tuak zuam ti lo. A tuak kho fawn ti lo. A fawinak rumro in rian a tuan tikah a um cia tangka lawng te a hmang. US leiba van a tawng cang.

Trump nih ramri a khammi zong a stop ter hna. Mipem khatthup in an lut. A buai tuk cang. An tlaihmi hna le an hrenmi hna kongah khuaci an mui. Media luhter zong an kham.

Trump a hua i Joe Biden a tanh ngaimi Chris Wallace hmanh a lungrawk cang. Trump naak in na riantuan a fianghlang lo deuh tiah a soisel cang. Hihi cu bia pehpar sawhsawh.

Joe Biden a kai tikah a thazaang dermi si ti kha an theih tuk tikah Taluk le Russia le Kawl ralkap nih caan tha an lak colh. JOE nih hmaiah kan fong lai, hruaitu kan si than lai a timi zeihmanh hmuhpiak awk a um lo.

A chim bantukin tuah seh law ralhrang zong fak deuh piin a rengh hna lai i vawleicung ah hruaitu an sinak kha a langhter lai. Asinain a kapahle lawng a sia zia a lang tuk. Tu chun zong minung an thi tuk cang tiah an hal i, chi khat te khi ralkap sualnak a chim.

Fak ngai khuaruah zong a zuam ti lo ti zong a fiang i a tuak kho fawn ti lo ti zong a fiang.

Trump kha cu America First a ti nain mipi cungah dawhcah lo thil an tuah ahcun a herhning in mipi dirkamh aa tim peng. Khawika ram a ti lo. Ralkap nih hngakchia in naupawi tiang an kahmi hi Trump caah cun Red Line pah ah a ser cang lai.

Ralkap nih a hramthok hrimhrim zong in uknak lak an ngamh lai lo. Taluk sinah idea hi a lakmi theo si lai i, Taluk nih Trump tih in an lakter hrim lai lo. Trump nih a cohlang lai lo i Syria kongah Russia a mualpho bantukin mualpho kha a duh lai lo i, uknak lak ding timi idea hrim hi a um lai lo.

Cun Trump chan ahcun si seh law India zong a lum bantuk a kik bantukin a um fawn lai lo. Biden nih hin Kawlram kongah fak in luh aa timh lo tikah Taluk kut bantuk ah a um cang.

Cu tikah India hi Democracy ram pi a si bantukin Kawlram mipi a dirkamh ding a si nain ralhrang tanh bantukin a um. Ralhrang hi an thawn sual i mipi ka dirkamh hna ahcun Taluk leiah 100 ah 100 in a ka mer tak lai ti a phang. Ui te taw za bantukin a um lio si.

Asinain Trump chan cu si seh law Taluk a rengmi a si tikah India zong caan tha la in Trump leiah a tang lai i Kawlram mipi a dirkamh lai. Ralkap thlak kha an duh ve lai i Taluk sunghter zong kha an duh veve fawn lai.

Democracy tling hmuhter le bawmh kha an duh lai. Taluk mualphoter le thlak duh hrimhrim ah mipi an dirkamh lai tiah ka zumh. Atu bantuk ralhrang sual le meithal kahnak hi a cohlang hrimhrim lai lo.

Cuccah Biden a kaimi cu kan sung tuk i Trump a tlakmi cu ka zatlak bantuk a si fawn. Kan hawi tha tuk a si dingmi Trump kan sunghmi nih India zong a kan sunghter chih.Credit-luther Tin Hre

Be the first to comment

Leave a Reply

Your email address will not be published.


*