Trump a ttanhtu Laipawl nan poinak cu Khrihfa tthatuk ah nan i ruat nan nan lih le nan hrokhrawl lawng tein Trump nih a tei,

Trump a ttanhtu Laipawl nan poinak cu Khrihfa tthatuk ah nan i ruat nan nan lih le nan hrokhrawl lawng tein Trump nih a tei, ruahchannak a tamtuk rih ti hna in hehtiah ca nan ttial i media kip ah nan thlah cu. Mah nih khan nan ziaza ttha lo le khrihfa ttha lo nan sinak a langhter ko cu.

Khrihfa ttha nih cun lih le hrokhrawl in ca an ttial lai lo. Mah nan cathlahmi ruangah Laimi zapi zaran an thluak nan hrawh dih hna. Nu le nu, pa le pa umh, le nauhrawh te hna nan doh bantuk in fawh Laitlang i din lonak le eihmuarnak le ziknawhnak te hna khi fak piin dohding nan si cu. Din lonak le nan tuah lengmang fawn ko ttung. Laitlang zongah nau a phiatmi kan tampi ko ttung.

US Laimi upa hruaitu cheukhat zong zum dih hna hlah u. A cheukhat cu anmah hlawknak, larnak, le tthathnemnak caah an duhning poah in an in kalpi hna lai, an in hruai ko hna lai. US Laimi hruaitu cheukhat zong an za tein an fim dih lo, an ttha dih fawn lo, a chambaumi an tor ti kha philh hlah u.

Mahning tein US ummi Laimi nan kalpeng ahcun zei ngai nan si lai lo, nan tthangcho lai lo. Khrihfa nan sinak ah siseh, vawlei lei tthangchonak lei zongah siseh zeingai nan si lai lo. Nan biachim le nan lungput hrim hi tthangchonak ding a si lo i thluachuah hmuhnak hrim a um lo. Nanmah tein zeizong te hi hlat uh law theih khawh i zuam ko u. Hruhnak lam hi zul lengmang ti hlah u.Credit-Van Tum

Be the first to comment

Leave a Reply

Your email address will not be published.


*