Trump a ttanhmi Laipawl sin ka biacah

Laimi (Chinmi) nih Khrihfa biaknak (Christianity) a sullam kan i fiang ningcu a ttanh lawng in ttanh ding titiang lawnghi a si rua ka tiko. Bible zongah khoika hmanh ah Khrihfa biaknak hi a ttanhte lawng in na ttanh ahcun a za ko a tinak a um fawn lo. Khrihfa biaknak nih a kan cawnpiakmi cu nifa tinte na nunnak ah Bible nih a kan cawnpiak ning in nun i cuticun vawlei ah Pathian tette ttha siding tuk a si deuh. Laimi (Chinmi) kum 100 leng Khrihfa biaknak kan i cawnpiakmi vialte cu hnawmpung (Hnawmhlonhnak hmun) ah kan hlonh dih ko ne rua hi teh ka ti.

Nitin kan nun ah kan i nunpi kho rua lo hi. Nitin kan nunnak ah Pathian tette ttha si i tim loin Musalim ralhrang pawl bang kan Khrihfa biaknak cu a ttanh te lawng ttanh in kan i za ko ne hi. Mahcu Trump kan ttanhnak ahhin a lang dih ko. Na nunnak i Khrihfa ttha na si khawhnak ding caah le Pathian tette ttha na si khawhnak ding caah le khamh na si khawhnak ding caah cun ahohmanh nih an in tuahpiak lai lo. Nangmah tein na tuah dih a hau lai.

Mi bawmh ding le mi tuahpiak ding lawng a bawhmi le a hngakmi cu mithathu khrihfa le sal lungput a neimi khrihfa na si ko lai. Khrihfa biaknak a ttanh lawng in a zami cu musalim ralhrang bantuk na si ko lai i zeitik hmanh ah Khrihfa ttha na si kho bal lai lo i Khrihfa na sinak zongah a lamkip in a chambaumi na si ko lai.

Nifatin Bible rel zong a huam lomi, thlacam zong a huam lomi, miharsa bawmh zong a duh lomi, thawhhlawm thawh i fanghnih khat lawng a thawhmi, dinnak tuah zong a duh fawn lomi le Bawi Zisuh cawnpiak ning le nunning in a nung ve lomi, Khrihfa biaknak cu a ttanh lawng tein a ttanhmi kan tamtuk hi Laimi lakah. Ka pehtthan te lai.Credit-Van Tum

Be the first to comment

Leave a Reply

Your email address will not be published.


*