Trump a lungfaak ziar. Mitch McConnell cu a vun ngiar colh.

$2000 le Pres. Trump Politics:US electoral college nih vote an pek hnu ah Republican Senate majority hruaitu (leader) Mitch McConnell nih Pres – elect Biden cu lawmhpinak a tuah.

Cucu Pres. Trump a lungfaak ziar. Mitch McConnell cu a vun ngiar colh. Tulio US senate cu Republican lei nih an iap-hip control mi asi tikah, a olnak in chim ahcun Pres. Trump nih R-party lei senators pawl zong a ngiar hna tinak asi. A lungkhan in election kongah an ka ttanpi lo, an cawlcaang lo, tiah a uhttanh ngai hna.

Cu hlan tein, Democratic party lei nih minung pakhat ah $2000 bawmhnak pek ding cu an rak duh pengmi asi. R-party conrol mi Senate ah pass khawh ding asi lo caah, a hnu ah $600 ah hnatlaaknak an hei tuahmi ceo khi asi.

Nihin zanlei ah House of Representatives nih $2000 bawmh dingin hnatlaaknak an tuah. Asinain, cucu Senate nih an pass lai maw? Pres. Trump nih Micth McConell a ngiarnak le R-party senators pawl a ngiarnak hna ii, politicized a tuahmi $2000 cu Democratic ca-ah cun hriamnaam ttha ah ai cang diam.

Tulio boruak ah R-party senators pawl nih, Pres. Trump sin in a vun hraangmi politics ttotho storm cu amah tein a lanh maw an hngah lai silole a zat hi a za tuk cang enough is enough tiin cu ttotho cu an an dir-onh te hnga? Cucu $2000 bawmhnak dingah abiapimi biachattu asi te ko lai.
Credit-Van N Elizabeth

Be the first to comment

Leave a Reply

Your email address will not be published.


*