To/ Dr. Lian Za Khup:Chin ramkulh khualipi ah uang ngai in hun mi Sianghleiruun sianginn ah ralkap nih hmun an khuar ti mi thawng kan theih tikah kan lau ngaite.

To/ Dr. Lian Za Khup:Chin ramkulh khualipi ah uang ngai in hun mi Sianghleiruun sianginn ah ralkap nih hmun an khuar ti mi thawng kan theih tikah kan lau ngaite. Chin ramkulh nih tlangcung ah a hmasabik kan ngeih mi Sianghleiruun tiah kan i uan ngaingai mi a si cu zapi hngalh a si.

March nisarih thawk in Burma ram pumpi ti awk in ralkap nih zapi hmun a si mi Siizung, Siangleiruun hna ah hmun an khuar hna. Yangon le khuapi cheukhat hmanh ah hithil an tuah ahcun Chin ram hna ahcun an hei tuah kha kan lau ko nain, zatlak thil ah kan ruah. Kan huat hna hi a zual. Khuapi cheukhat le a tam-u ahcun mipi nih biatak tein an ṭhawl hna ca ah an kir ṭhan.

Asinain, Hakha khualipi ah cun ṭhawl awk ṭha loin an um tikah kan ngaih zong a chia, kan thin zong a lin. A bik in nangmah cungah ṭuanvo a um tiah kan ruah. Kan khualipi le kan fimcawnnak sianghleiruun pi dahngai a kan that tu ding minung pawl ṭhumhnak ding ah kan miphun lila nih tlun in kan onh ko hna cu ee kan ti.

Tawite in biatlang kawm ahcun, kan in mawhchiat ko hih. Hakha khua ah thil poimawh a can sual ahcun a luphur tu cu tlun inn a onhtu nangmah na si lai i, hmailei sianghleiruun sianghnakchia hna he na tlumngam te lailo tihi keimah pumpak hmuhning a si. Credit- Salai Tial Hram Ling

Be the first to comment

Leave a Reply

Your email address will not be published.


*