Tleicia Pu. Hrang Nawl

Pu. Hrang Nawl nih Ne Win Communist uk nak cu a hram a feh hlan ah kan zoh sawhsawh ding a si lo kan doh ding a si a rak ti i Ne win Uk nak doh ding ah a thawh.

Pu. Hrang Nawl nih a Ralkap pawl cu Pakistan ram ah training a rak kai ter hna.
Pakistan ram ah a Ralkap  training a kai mi pawl rak tlun cang ding a si. A tlun tik ah kawl Ralkap nih an kah hna lai caah Chinram ah kan mah nih kan kah hna a hau a ti caah Chinram ah kah hram an rak thawk.

A hmasa bik ah Rih sakhan kan lak lai cu hnu ah Halkha Falam le Tidem kan lak lai a rak ti.

Pu. Hrang Nawl le a Ralkap 20 nih Rih Sakhan Police 30 um nak cu an kah hna i a lak khawh. Rih an lak hnu ah Halkha kan lak lai an ti Halkha ah a biathli an rak phuan piak caah Halkha ah zankhua dai an i kap i Halkha sakhan cu an rak la kho lo.

Pu. Hrang Nawl a Ralkap pawl cu a thi mi zong an um len i hliamhma a tuar zong an um len.

Pakistan ram ah training a rak kai mi hna an rak phan. Tidem in Pu. Son Khaw Pau Chinram ah Independence kan thanh lai Ralkap thazaang in Chinram hi kan kulh lai i kawl he India Cozah he kan doh lai a rak ti. Pu. Hrang Nawl nih a si kho lo, kan tei hna lai lo a rak ti. Pu. Hrang Nawl ruahnak le Pu. Son Khaw Pau an ruahnak a dang cang.

Hruaitu veve an ruahnak a dan tik ah a dongh nak ahcun an i then cheu then cheu nak nih teinak a chuah pi kho ti lo.

Hi lio caan ah hin Pu. Hrang Nawl nih American CIA a rak ton hna tik ah rak kan bawm uh a rak ti hna.

American CIA pawl nih independence a la cang mi ram ah hriamnam in kan in bawm kho hna lo an rak ti. Nihin zong ah Ramdang bawmhnak hriamnam le Ralkap hi bochan ding an si lo.Credit-Salai Ceu

Thlacam Palh Maw.Pathian, Ralkap uknak áš­ha lo chung i mi vialte nih khuaruah har vansang an au lioah  thinphang lo hnangam tein Norway ramah na kan chiah hi na dawtnak a ngan tuk caah a si, ka ti deng sual lengmang tawn. Hi biafang hi a lo ngai tak ko nain, chim sawhsawh men ding a si lo zia le chim sual tikah thling a zat tuk zia le mi hmaikhah a si lo tuk zia ka cawnpiak law, thukpi in ka pemhter chin lengmang ko sawh tiah, na fapa Jesuh Khrih min in kan hal.Amen! Perhkalh Thawng

Be the first to comment

Leave a Reply

Your email address will not be published.


*