Tipi Kawng.Tipi (Bawinu) hi Kawl nih “KALADAN” tiah an ti.cucu Mirang nih KALADAN an ti ve.

Tipi Kawng.Tipi (Bawinu) hi Kawl nih “KALADAN” tiah an ti.cucu Mirang nih KALADAN an ti ve.Hi Tivapi hi Tiva lian ngai a si.INDIA LE KAWLRAM ramri kar lakah a luangmi si.Ram ram (2) pal in a luangmi Tivapi a si caah a sunglawi ngai mi Tivapi pakhat a si.Tipi a Thawhnak cu Laiva in a si.Laiva cu Zinghmuhtlang in Nithlaklei kapah a luang mi si.Tlangcung Tiva fate a si.AaThawhnak hi RiLi IN pe (8,512) a sang.Laikua rawn cu,KawlRam Cozah nih an dil. ( Laikuadil) tiah min an Bunh. Cu Laikua cu Hmundawh taktak ah a cang i Mipi nih an zoh duh ngai mi hmun a si.

Cu Lai Va cu thlanglei ah a rak Luan tik ah Timit an ti.cun Hnaring lei i a Luan tik ah. Bawinu an ti.cun Sialam & BungTlang hrawng cun Tipi an ti.Mizo nih cun Tuipui an ti.Min a phun phun in an auh.Thlanglei a va Luan tikah KALADAN tiah an uah.Kawl nih KALADAN tiah an uah mi hi. INDIA Ram In a rak luangmi Tiva ah an ruah mi si caah si kho men.Lai Va in a thlanglei deuh ah.a rak Luan tik ah Timit tiah min an sak. Timit cu Hakha – Thantlang Highway Tlang te ah Tita he an I tawng cu ka cun.KALADAN Tivapi ai thawknak cem Tiva hram pi cu a si.Timit le Tita an I tawng.cu an I tawnnak in a hna lei deuh ah NAWI Tivate zawng Ni chuah lei in a rak i fawnh ve.hi Tipi I Tiva Ttenglian bik hna cu.La-aw,Tio, Matva,Chalva,Tuichangva, Khawrthing dengva hna an si. Tio hi Tipi Tenglian bik a si.

Bungtlang khua pawngah Tio le Tipi an i tawnnak Tili lian ngai a um i Lihel ai virh mi khi si.Tio le Tipi an i tawnnak Tili hi a thuh lei pe (24) hrawng si.Nga lian phun an tling hmun hma nuam ngai si.Fur pi ah Tio le Tipi ai tawnnak Ti ai su mi hi IN Tia in ai vawrh I zoh a dawh tuk mi a si. MIZORAM lei in a zoh ah an hawngtawn hna.Tio le Tipi ai tawnnak Tili hi Tih zawng a nung ngai mi a si.cu ai tawnnak Zawn cun Nitlak lei ah a luang than i DARZO kai thlang lei deuh ah Mat Tivapi hi Nitlak lei in a van I fawnhThan. Cun ding tein a luang i KALETWA in SITTWER Khualipi pawngah Bengal RiLi ah a va lut…By-Ca Lian

Be the first to comment

Leave a Reply

Your email address will not be published.


*