Tiphul Pafa Motor Pah Kong ah Kap Hnih Chungkhar an i Ngaithiam

Motor pahnak in a nunnak a liammi Pu Peng Thang le a fapa Thawng Cung Lian (kum 11) te chungkhar cu motor ngeitu le motor khaltu chungkhar hna nih lenkainak le nawlnak an rak tuah hna i kap hnih chungkhar an i ngaithiam, tiah thawng kan theih.

May 11 zaanlei ah Motorcycle in khual a tlawngmi Pu Peng Thang le a fapa Thawng Cung Lian cu Tiphul le Rinpi karlak ah pa pahnih nih an khalhmi SKAT motor nih a pah hna i an nunnak a rak liam.

Motor mongtu le a hnuzul pa cu khuami nih an tlaih khawh hna i, a thaizing May 12 ah motor ngeitu le a pahtu chungkhar hna nih ngaihchiatnak a tongmi Pu Peng Thang te chungkhar cu an len hna.

Kan Laiphung ning tein ttha tein lenkainak le nawlnak an rak tuah hna bantuk in ngaihchiatnak a tongmi Pu Peng Thang te chungkhar lei zong nih an ngaihthiam hna, tiah thawng kan theih. The Chin Journal
May 13, Hakha

Be the first to comment

Leave a Reply

Your email address will not be published.


*