Tinhmi Ngeih Thil pakhat kha tha tein ruat law tinhmi ngei.Cu tikkah hlawh tlinlonak nih an don lai.

Tinhmi Ngeih.Thil pakhat kha tha tein ruat law tinhmi ngei. Cu tikkah hlawhtlinlonak nih an don lai. Midang soisel thangchiat nak nih an kham lai. Hlawhtlinnak hmun phakkhawh lo dingin dawnkhantu tampi na tawn lai. Na pawng I ngeihniambik le dawtu bik na timi kha hlawhtlinlonak dohtu an si te lai.

Hnu kanton lai maw?. Naisai lo, tonhlah hlawhtlinnak kan phak hlanlo kan I zuam lai. Daite a ummi le midang caah zeihmanh a tuah lomi khi a cawlcanhlo caah minih an hmu kho hna lo.A cawlcangmi rian a tuanmi na cu a tha a ba I a rawltam le a thadih zangba caan a tam. A tuanve hrat cu a hnawngtha a thawng I a ke tha a fek.

Zeipoah kan cawlcanh lioah cun a hrutmi kan lawh caan a tampi ko lai. Amolhmi kan lawh caan a tampi ko lai tinhmi lei panh in kan kal lio a si caah a si. Tinhmi kanngeihmi cungah Pathian tih bu in hmai kankal lai, a donhnak ah cun teinak cungah kan dir caan a phanve te ko lai.Credit-Joseph Thawng Z Ting

Adang relchap:Facebook cu Apple cung ah a thin a hung tak. Tazacuai a timh hna tiah bia a chuak. Apple/iphone nih iOS 14 software update an tuahmi ah company miaknak caah users, nangmah le Keimah telh in kan data vialte a collect/ khawmsuattu zohnak an chap. Ahodah a thli tein kan data, activities tbk vialte collect a rak tuah zungzal tbk vialte a lang viar cang lai. 

Social media, Facebook tbk nih kan activities, data vialte hi an collect dih i, user pakhat cio nih kan duhmi le kan lungput theih an izuam i, cu ning cun, kan duhmi thil, news, video le products kha, advertisement in kan screen  ah an langhter. 

Apple CEO, Tim Cook nih, Company miaknak caah users pawl data le activists vialte, anmah theih loin, an lak pengmi le anmah duh zawng in, ads an thlah hnawhmi hna nihhin Tulio kan vawlei kal ning a pialter nak kong a phuan. Cucaah, Apple Software update ah, feature thar, ahodah user data a kan tambik timi user nih theih khawhnak an von chap cu a si. Cucu, Facebook nih a duh lo. A huat. Caahcun, Tuhi ral an tho hnik cang.

Facebook ngeitu, Mark zuckerberg hi Elon Musk, Tesla ngeitu he zong aa ralmi an si i, naite ahkhan European Union  zong ah Facebook a chuahtermi rawhralnak hi na tawlrel kho tak maw? Tiah biatak tiah bia an hal. 

Twitter le Facebook nih US president, Trump  nih a von delete hnu in, social media company pawl nih Vawlei cung politics ah ningcang loin power an ngeih khawh ning hi, ziah, kan itheih lo kar in Big Tech pawl nih an kan uk cang ko lo maw? Tiah Zeitindah regulations thar kan ser hnga tiah Law Makers le politician pawl thinlung ah hmunhma a von lak ngai lio a si.Credit-Zasang Cinzah

Be the first to comment

Leave a Reply

Your email address will not be published.


*