Thong Inn Chunginn Kan Rak Luatnak

Ka orh lei kam i a dirmi khi kawl zum lotu arak si i, kan church ah nithum chung minung 50 renglo ka cawnpiak mi hna lakah Khrih zumtu ah a cang mi asi. A mah zumtu asi hnu zarh tlawmpal hnu ah, a chungkhar za tein zumtu an hong si ve tikah, an khua phungki le Buddhist upa hna nih an report i, keimah mit hmuh hngan teah, Police nih an hung tlaih i thong inn chungah an khumh colh.

Ni tlawmpal a rauh hnu ah biaceihnak zungah an kan auh i tuanvo a latu ka si caah keizong hi ruangah hin thongtla kho ka rak si ve. Nain Khrih ruangi thong tlak cu ka saduhthah mi a si sehlam. Taza a kan cuaitu phungki le an hawi pa Buddhist report tu kha Kalaymyo  biaceitu bawi a sangbik mi nih biaceihnak zungah kan bia ceihdingin voi thum tiang an kawh hna i an nih lei an an rat lo caah,  report tu bik Buddhist upa kha police nih va tlaih dingin biaceihtu bawi nih a fial hna tikah, mah cu pa cu a inn in a rak zaam diam cang ai.

Cu tikah police nihcun report tu pa a zam cang tiah biaceihtu bawi cu an hong chimh tiak, biaceihtu bawi nih aa ka thawhmi cu, nihin thokin an report tu hna hi ningcang loin a hmuh an ap mi asi caah, nan mah palhnak zeihmanh a um lo ti a fian cang caah, nan case hi a dih cang tinak caah Bible cauk khi kau law, na min van thu aa ka ti. Mah cu ka van dih bak cun thonginn in le thircincik hrennak cun an kan thlah i lunglawmh nakin le Pathian thangthatnakin, biaceihnak zungin, inn lei ah kai lawi. a tu hnu cu Pathian kan lei a tan ahcun, hodah a kan doh kho lai. Rom 8:31.Credit-Bawi Ceu

Be the first to comment

Leave a Reply

Your email address will not be published.


*