Thlacamnak in Pathian kan halmi thil paoh hi Pathian duhnak an si dih lo ti fian khawh hi Vancung Pennak thluachuah phunkhat asi.

Thlacamnak in Pathian kan halmi thil paoh hi Pathian duhnak an si dih lo ti fian khawh hi Vancung Pennak thluachuah phunkhat asi. Zeicahtiah, Thla kan cam tikah kanmah duhnak in kan halmi a um, kan ram le kan miphun duhnak hoih in kan halmi a um, kan Krihfabuu le ministry duhnak hoih in kan halmi a um, kan family duhnak le buupi duhnak in kan halmi a um bantukin Pathian nih a duhnak zulh in kan halmi a um ve.

Hi vialte thlacamnak in halmi thil vialte lakah Bawipa nih thluachuah a pekmi cu Pathian duhnak i hrawm buin kan halmi lawnglawng hi asi. Kanmah duh, ram le miphun duhnak, Khrihfabuu duhnak, etc. in kan halmi Thlacamnak cu Pathian nih thluachuah a pe kho lo tihi Jesuh Krih zumtu vialte nih kan fian ah a herh. Bawipa nih Hal u law kan pek hna lai (Mt. 7:7) a timi le pahnih thum lungkhat tein nan umnak le thla nan camnak ah kan umpi hna lai i nan halmi thil cu pek nan si lai (Mt.18:19-20) a timi cu Pathian duhnak in halmi khi a chim duhmi asi.

Cucaah, hihi philh hlah Thlacamnak program kan ngeihmi paoh hi Pathian nih thluachuah a pe lo, Amah Pathian duhning in kan halmi lawng thluachuah a pek. Jesuh Krih min hmangin Thlacamnak in sertu Pathian hmaika na dir/kun hlan ah na lungthin put le na saduhthahnak kha tha tein check hmaisa law Thiang Thlarau kha bawmhhal law amah nih Pathian duhning in thlacam khawhnak kha an bawmh ko lai (Rom.8:26-27). God bless you today! Credit–Robert Thawng Zam

Be the first to comment

Leave a Reply

Your email address will not be published.


*