Thisen Man Cawh Na Si Sual Lai.

Hringtu nu le pa nih dawt cukmakmi, arfi le thlapa bang zoh thla tukmi, hmailei ruahchannak a simi fanu fapa hna kha ramlak saram bang lam cungah khan hawt in hawt i meithal in khahmi hna ruak, thisen, hma pumi hna heh tiah tlikpi mi hna khi zoh hna hmanh!

Cu hna i hringtu nu le pa, u le nau hna an mitthli le holh in chim khawh lomi in tuarnak le lungfahnak khi zoh hmanh!Inn le lo hmanh ah riak ngam lo in ar bang a vaimi hna le thil tlau bang kawlmi hna nun khi ruat hmanh! An nu le an pa thinphannak khi ruat hmanh!

Zu din ruang le fir ruangah a si lo. An sual ruang zongah a si fawn lo. Mithalo an doh hna ruangah a si deuh. Sual an doh ruangah a si deuh. Keimah le ka innchungkhar ca a si. Nang le na chungkhar hna caah a si ve. Kan ram luatnak caah a si.Annih cu sual an doh ruangah an thisen a luang. Kannih tu cu sualnak kan doh ruangah thihnak tiang ngaingai cu kan ing rih lo (Heb 12.4).

Cu hna i hringtu nu le pa, u le nau hna dirhmun ah khin i dirter hmanh! Na zoh ngam maw? Na celh maw? Na ruat kho maw?

Cucaah mithalo hna khuakhannak ah cun i tel ti hlah, komh ti hna hlah, chuahtak cang hna. An lam zong zul ve ti hlah, pialtak cang. Cu lo ahcun thluachuah na hmu lai lo, thisen man cawh na si sual lai (Ps 1.1).Credit-Za Mang

Be the first to comment

Leave a Reply

Your email address will not be published.


*