Thihnak Darking: Chin Singer Samuel Sang Hlun Thang Nih Mual A Kan Liam Tak Ruangmang Eee

Samuel Sang Hlun Thang hi a hringtu a pa cu Sayakyi Mang Lian (Bungkhua) le Rev. Ruth Biak Thai (Tlanglo) hna i an fapa le lakah a hniangbikmi si. Amah zong hi nupi a ngei i, fapa pahnih angei hna. Anih hlasak thiam a si. A aw zong a sang i, Laimi lak ah amah le Thawng Bawi hi aw tthat le aw saan ahcun bochanmi an si. An chungkhar dihlak in New Delhi ah ralzaam dirhmun in khua an sa hna. Delhi Laimi le Khrihfabu zong nih kan hman taktakmi a si. Tu bantukin mual a vun kan liam tak cu Deli um Laimi kan ngaihchiat kan celh lo.

Tutan a thih ning hi Covid 19 zawtnak in a si i, a cuap le lung fak tukin a hnursuan caah a nunnak thaw nih a zat ti lo i tubantukin mual a kan liam tak ruangmang hi si e. Tuhi a ruak zong sizung ai thlopnak Ayushman Hospital sizung ah a um cuahmah lio si. Tlamtling tein ruak zong aa vuimi an si khawh nakhnga zumtu hna nih nannak hmun le hma cio ah thlacamnak in rak bawm cio hna usih. A kaltakmi a nupi le fale, a nule pa chuahpi unau le cingla rualchan hna le khrihfabu hna zong nih a tuar zia an thiam nakhnga thlacamnak in bawm ko hn usih.

(Relchap) Pastor Lian Chawn Tialmi “Roling Roriak Nun Tuanbia” Fur ruahhmai an hung kiang riahmah. Khuasik muisam keng in October zingka nih kik nawn in a kan don. A sur men lai tiah ruah mi khuadawm pawl zong October thli nih a hun tuaitam luklak hna ii acheu an vaivuan—a tang mi khuadawm cheukhat cu dapti in an hun tla. Covid-19 pulrai nih detkhawt le tlakbuat cuahmah bu ah, kan thawhpil mimlo in tlanglo facang hna cu an tuan hna i ai limlawh lei an panh cuahmah.

Cheukhat nih pheikalh tunh in Lai kokek nunning an hun tharchuah. Ngafuanriah le dangte (ti-u) sih zong ai phua lai. Leikuang facang pawl zong Sikpar (November) thla thawk cun tuan an cu cang lai. “Lawmhnak in hla kan sa lai mi vialte, vanrang a ttian a pau khua vialte, maw Laitlang keimah caah na tha ngai ve ko maw kan khua,” tiah Saya Kaw Kaw nih a phuah bang a si taktak. Atu hrawng Lailei boruak le khuacaan cu a nuamh liote a si lawng si loin kapkhat lei in lunglen zong a hruai i thinlung ai phundang ngai te. Khuacaan le sining, kan nunneh hna le kan boruak cu zei bantuk in ai thlen lengmang hmanh ah ram le miphun caah nunnak a pe i tuanbia a tialtu hna keneh, thinlung put le nunpeknak tuanbia cu thinlung ah a ziam kho lo—a nung i a caam zungzal. Upatnak pek an phu zungzal i an konglam le an zuunthli cuanh le ruah than fatin thinlung ah an thar zungzal.Credit– Newsa

Caankarlak Myanmar Cozah (NUG) nih Ralkap Bu Thar Dirh a Timh.Tlangcungmi hriamtlai hna he ceihmainak ngeih lio a si ko nain Myanmar mipi runvennak ca ah ralkap bu dirh ding in timhtuahnak kan ngei, tiah caankarlak Myanmar cozah “National Unity Government” (NUG) nih nihin April 16 ah an tuahmi Press Conference ah an langhter.

NUG runvennak vuanci U Yi Mon nih, “Mipi runvengtu ralkap bu ah Federal Democracy a dirpitu mino pawl an i tel lai. Tlangcungmi hriamtlai hna he ttang tti in mipi runvennak an tuah lai. Federal Army timi ralkap bu a chuah hlah ah Federal Alliance timi bu zong a chuak hmasa kho,” tiah a chim.

“Federal Army dirh kho ding in ramkhel lei hnatlak kong pawl tlangcungmi hriamtlai hna he kan i ceih lio a si. Atu kan ser dingmi mipi runvengtu ralkap bu zong hi Federal Army tang ah a um dingmi ralkap bu pakhat a si ko,” tiah a chim chap.

Nihin April 16 ah CRPH nih caan karlak Myanmar cozah (NUG) an dirhnak kong thawng an thanh hnu suimilam tlawmpal ah Press Conference an tuah colh i, mipi runvengtu ralkap bu dirhnak kong zong U Yi Mon nih a hun langhter hi a si.

Nihin ah caan karlak Myanmar cozah thar tlamtling tein an dirh khawh caah Yangon ah cun zaan sml. 7:30 hnu ah mizapi nih minute 3 chung zapei benghnak an ngei hna.The Chin Journal April 16, Yangon Hmanthlak: April 16 ah tlamtling tein an dirhmi caan karlak Myanmar cozah (NUG) Cabinet chungtel pawl.

National Unity Government vs 2008 constitution fa government dannak

  1. 2008 Phunghram nih a hrinmi he aa dang cikcek mi asi. Nan theih ciami a si ko lai. 2008 Phunghram ahcun President kha head of state le head of government a si.
  2. National Unity Government cu parliamentary system in a kalmi a si. Head of State cu President Win Myint a si. Head of Government cu Prime Minister Mann Win K T a si.
  3. Head of State a simi President cu thonginn chung a um zong ah Head of Government a simi Prime Minister nih duh tawk in rian a tuan khawh – Head of State cu ceremonial service a tuah tu long a si.
  4. Mifim thiam tiah aa ruatmi nih Myanmar cu Head of State le head of government ah pakhat long a simi Presidential system in a kal awk a si an ti. Mah ti a si ahcun Tlangcung mi kan sung tuk lai. A zungzal in kawl miphun long nih president an tuan lai.
  5. Atu cu Parliamentary system in a kal caah President cu head of state ram pumpi a lu a si nain achung rian a tuantu taktak cu Prime Minister head of government a si caah a tha tuk. A fiang mi cu President cu tlangcung mi zong nih an tuan len te lai nain Prime Minister tu cu thutdan tampi acotu party lutlai nih a tuan te lai caah kawl deuh an si te ko lai. A poi lo.
  6. Atu National Unity Government phungsan hi 2008 nih a hrinmi President bantuk kha a si naisai ti lai lo ti kha nan theih ciami cung ah a thar in hun nolh than ka duh.
  7. Head of State le Head of Government ah minung pakhat long a simi ram uk hruai ning cu USA presidential system kha a si. (2008 phunghram)
  8. Head of State ah minung pakhat , Head of Government ah minung pakhat – atu National Unity Government bantuk phungsan cu India ram – Vice president a um ve. An i lo bak. Germany ram President a um nain VP a um lo nain an i lo thiam. President pakaht a um bantukin Prime Minister pakhat a um ve. Constitutional monarch ram ah England ram – Vice King or Qeeen bel a um lo, Thailand ram King a um nain Vice King a um lo. Nain system cu an i lo pah ko.

Theih ding: Head of State timi cu ram pumpi dihlak aiawhtu tinak a si. Head of Government cu ram pumpi acozah aiawhtu tinak asi.Credit-Thawng Za Pum

Be the first to comment

Leave a Reply

Your email address will not be published.


*