ThihdârPu Chan Awi kum 58 cu 18.6.2021 Friday 4:40pm ah khan North Vanlaiphai khua Mizoram ah a kan thih tak.

ThihdârPu Chan Awi  kum 58 cu 18.6.2021 Friday 4:40pm ah khan North Vanlaiphai khua Mizoram ah a kan thih tak.A nupi fapa 3 le fanu 1,tupa 2 a kal tâk hna.A mah hi zunthlum le thikai zawtnak a nei mi a si.A zunthlum hi 35, a BP hi 300 a phan i Hospital lian deuh Aizawlah i zohkhenh dingin Helicopter cah a  si i North Vanlaiphai cu a pha manh nain a nunnak nih a daih ti lo caah a lawng in an kir ter ṭhan.Amah hi kum saupi Govt. North Vanlaiphai High School ah Teacher a ṭuan hnu ah tukum kum tirah khan Headmaster ah a kai i,

Govt.Khawlailung High School ah an post i, Headmaster a ṭuan liomi a si.19.6.2021 Saturday 12.00noon ah North Vanlaiphai khua ah a ruak vui a si lai.Covid ruangah lockdown lio a si caah a hawi le zong nih a ruak kan thlah kho lo.Kawi Chan, kan Laipa ah cun midawh i thim ve mi,mi nunnem thinfual, na chan a tawi tuk e.Kan umnak hmun cio in na hawi le nih mitthli rualriat he kan in thlah ve ko hih awh.Mangṭha tein rak kal chung ko ne law.
Credit-Rc Hlon Chhing

Ganga Rili Ah Thingkuang In Hlonh Mi Bawhte.India ram,Ganga tipi ah a kalmi thingkuang chungah bawhte  char asi.Cu bawhte cu ni 21 mi asi,nau hi a taah aw an theih i lawngthu mi pakhat nih a valak tikah bawhte a rak um.Bawhte cu thingkuang chungah Hindu pathian Vishnu le Durge hmanthlak telh in puansen in an thuam mi asi.

June 14 ah Uttar Pradesh state chaklei in Ghazipur khuapi tipi lei ah an hmuh mi asi i lawng cittu pawl lakah Gullu Chaudhary nih thingkuang chung bawhte cu a char hi asi,bawhte cu sii-inn ah kal pi asi i a ngandamnak a tha tiah siibawi te nih an chim.

Palek pawl nih bawhte kongkau ah hlathlai asi tikah India hmun cheukhat ah fanu an duh lo ruangah an hlonh mi asi lai tiah zumh asi.

Bawhte chartu Chaudhary i thiltuah mi cungah State Chief Minister Yogi Adityanath nih a thangthat i inn pakhat le thil dangdang laksawng a pek lai.

Chaudhary nihcun “rili chung i a taapmi an theih ahohmanh nih zawt an ruat lemlo,kei cu ka theih sinin ka va zoh colh i ka lak,thingkuang ka hon tikah bawhte ka hmuh” tiah a chim.The River News

Be the first to comment

Leave a Reply

Your email address will not be published.


*