Thih-dan pek death sentence hi kan dirpi awk a si maw?

TNLA nih kum tling lo ngakchia tlaihhremtu pa thih-dan a pek. Cu hlan zong ah kum tling lo a tlaihhrem hna i, Kawl cozah zong nih kum sau thongthlak bal cangmi a si.Minung kan sinak (humanity) in si seh, Biaknak kan pom ning cio hoih in si seh, thih dan hi kan i pek awk a si maw asiloah zei bantuk sualnak khi dah i pek awk a si? timi kong ahhin academics le ramkhel vawlei ah i el ngaimi ah ai tel.

Donald Trump cozah tang ahkhan uknak caan a dih lai te ah minung pa (5) thih-dan an pek hna – Laimi tam-u nih tanhmi cozah khi va si ko. Conservative lei hi capital punishment cu kaltak an i harh deuh rihmi a lo.

Nain leftist le rightist karlak thil hi cu a rak si thlu lem rua lo. Liberal lei zong in a pom mi an tampi ve. Communist ram China te North Korea te hna khi capital punishment a hmang tuk mi an si ve hoi. China khi number a si.

Democracy ram tampi ahcun thih-dan theng si loin hremnak (torturing policy) pawlisi hna khi an hun zoh than hna. Thih-dan nakin misual ai thlen nakding ah rehabilitation program te hna zong an hun hman deuh.

Kawlram hi thih-dan pek a um nain thah ngaingai cu a um ti rua lo.Nain thih-dan pek lomi misual nih thong chung in a leng ah buainak tampi a chuahter khawh rih timi ruahnak belte khat lei ah a um.

Tahchunhnak ah terrorist leader, drug lord tbk pawl chanh nakding ah khin an naule pawl nih sualnak ngei lomi minung tlaih riangmang in hostage ah hman tbk khi a tam ngai.

Chinram khi full federal ngah silaw death sentence hi kan i pek awk a si lai maw? Minung kan sinak, kan biaknak mit in zoh tik ah teh? Bible nih a kan onh maw?

Ruah phu ngai cu a si. Upadi thiamsang le Bible lei thiamsang nih biatak deuh in a kan ceihkhanpi khi hau te hngaPhoto- Ta’ang Land News Credit-June Nilian Sang

Be the first to comment

Leave a Reply

Your email address will not be published.


*