Theihthiam nak a neilomi pa pawl nih mah hi ruat uh

Thilsuk cu nu rian Pakan ttawl cu nu rian
Rawlchuan cu nu rian Meh tuah zong nu rian
Thil tteih zong nu rian Fa an van nei,nau an pawi An van hrin tik zongah,hnuk dinh zong nu lawng nih ttuanvo an lak..

A cungah kan ttialmi vialte hi an tuah dih,an tuah khawh lo ahcun,inn cu a hnoksak dih.
Ei zong na ngat lai,thei..

Tlawmpal te theihthiam nak a nei deuhmi pa nihcun,inn ah chuan loin dawrah rawl ei le cawk caan timi lawng a um i,thilsuk nak seh cawkpiak ti zong an tong.

Theihthiam nak a neilomi pa pawl nih mah hi ruat uh.Fapawi zeitluk in dah a har timi cu,phayeti (watermelon)khi nan paw cungah,tteep in kat u law thlali chung um peng uh,ekinn nan kal zongah i kat uh,nan ih le nan dir caan zongah i kat peng u law, zeitluk in dah a har nan theihko lai.

Inn rian te hna cu timi nan um ahcun,
Nikhat tein inn rian van ttuan ta uh ti kan duh hna.

Thil na suk tikah,thiang tein suk cu hau lai mu..Meh zong thaw tein chuang law,nau zong ttah ter hlah mu, nikhat te lawng va tuah chun..

Nangmah rian si na tuah awk si na timi nakin,Nangmah nih,tlawmpal te tal dawtnak in bawm law,na dawt i na tthit mi caah zei tlukin dah aa lawmh hnga ti tah na ruat bal ma?..

Nu hi an thathu lo Fa le caah tin an si khawh tawkin an ttuan i,fale thianghlim tein an chiah hna,inn rian zong a si khawh tawkin an i zuam i an ttuan,zan ah nau an i hngilh khawh lo ahcun,an nih zong an mitkuh cim lo,cu bu cun,inn lo an zoh khenh ko.

A caan ahcun minung an si ve i,thi le sa in an nun ve caah,nam tein an i ah sual,an i khawn sual i,thil an sukmi a hang an sur khawh lo ti bantuk caan i,vale ka bawm ta tiah auh tikah,

Bang hna tuah ter cu na ka nek,zei na ka rel lo bia si ti phun in bawmh duhlo le tuahpiak duh lo i,game i kah huar a hmangmi pa pawl tangah,nu pawl an um rih mi hi, zaangfak taktak an si.

Inn rian vialte an ttuan dih hnu ah,nau an pawi i,an neih hnu ah hnuk an dinh rih hna,cu pinah,mitkuh cimlo in zaan tampi an hrak.

Hnuk an dinh i,ei din duhdim in an ei din khawhlo tikah,an hnuk le an fale nih an din tikah, thazaang an nei lo i,an lungmih caan le an thazaang der caan a tampi,a tuarmi lawng nih an theih lai.

Cucaah,inn rian,thilsuk,ihphah puan thlen ra chuan te hna hi,nu rian ti loin,nu le va nihcun,i bawmh ding a si ko.

Cheukhat pa cu a lengah rian an ttuan i, Phaisa an chuahpi ko,nain cheukhat pa cu Phaisa an hmuh i zudinnak hna hoi ah an hman dih,cu hlei ah buainak an chuah pi rih.

Inn rian an ttuan i,fa he an si hlei ah,a lengah rian ttuanin Phaisa kawl khomi nu cu,upat tlak taktak bak an si.

Pa nih,mah hi thei dih uh Inn rian hi nu rian lawng silo,Pahnih tein i bawmh i,fale zoh khenh le kuasak tti hi, Chungkhar nuam timi cu an si.Credit,-Dingdi Par

Be the first to comment

Leave a Reply

Your email address will not be published.


*