The Hakha Post : Aa-mah-khan insurance kong biaruah kan in duh ko hih. Thawngpi : Si maw, aa-mah-khan kong hi a dikthliar chim awk a har le hngalh tawk chim khawh kaa zuam lai cu.

The Hakha Post : Aa-mah-khan insurance kong biaruah kan in duh ko hih. Thawngpi : Si maw, aa-mah-khan kong hi a dikthliar chim awk a har le hngalh tawk chim khawh kaa zuam lai cu.

Post : Tahchunhnak in la ko ning law mawt’aw/saikal denkhawn hna a chuah i hliam a tong mi asiloah a thi mi an um cun aa-mah-khan an chiah man liamh a si timi hi zei bantuk dah a si?

TP : Third Party Insurance timi midang va khawnden sualnak i a chuakmi kong ah 1-7-1976 thok in cet bunhmi khalhmi mawt’aw/saikal tbk.  poh Third Party Insurance chiahter a si. Cet bunhmi khalhmi pakhatkhat ruangah ruah lo thihnak, hliamnak, thilri rawhralnak a chuah tikah khalhmi cet ngeitu nih liamh loin Myanmar Insurance nih t’uanvo a rak laak. Cu an rak sermi phung cu 1-8-2016 ah Premium insurance chiahmi le tem-innak liamhmi man zong an rak remh.

Post : Cu an remhmi kong ah zei bantuk dah a um hnga?TP : Kan chim cang bang khan mawt’aw/saikal (cet bunhmi poh) laisin a ngei poh cu Third Party Insurance (mi dang fahter asiloah a thilri hrawhpiak sual ah tuahmi aa-mah-khan) timi chiah hrimhrim a si. Cu ti a chiami poh mawt’aw/saikal canghsual an ton tikah thihnak maw, hliamnak maw, thilri rawhralnak maw a chuah a si ahcun Cozah lei (Myanmar Insurance) nih liamh a si. A thimi ca sing 10, hliam a tuarmi ca a tam bik sing 8 tiang le thilri a rawkmi ca sing 5 liamh a si.

Post : Mah cucu temh-innak a tong mi ahopoh hal khawh tinak maw? TP : Si, hal khawh a si. A haltu ding hodah an si timi zong a um chih.

Post : Van kan fianh law kan duh ko.
TP : Temh-innak kong a hal khotu hna cu (1) A thi mi kha chungkhar dirh cang mi a si ahcun phungpil a nupi asiloah a va (pasal) (2) Nupi asiloah va a um lo ahcun faale hna (3) Nupi asiloah va, faale an um lo ahcun nulepa (4) Nupi asiloah va, faale, nulepa an um lo ahcun chuahpi unau (5) Nupi asiloah va, faale, nulepa, chuahpi unau pawl an um lo ahcun aa naihniam bik chungkhat an si lai.

Cun (6) A thi mi kha chungkhar a dirh rih lo mi a si ahcun a thi mi nulepa (7) Nulepa an um lo ahcun chuahpi unau (8) Nulepa, chuahpi unau hna an um lo ahcun aa naihniam bik chungkhat an si lai. A cunglei hi a thi mi chungkhar a dirh maw, dirh lo timi hrambunh in aho nih dah an hal khawh tikha a langhtermi a si.

Post : Cun temh-in man hal khawh lo dirhmun ti bantuk hna a um ve maw?
TP : A um ve ee. Saikal cit lonak hmun an timi ah saikal aa cit i thihnak, hliamnak a ton ahcun hal khawh a si lo. Rikhiahmi Driving Laisin ngei loin asiloah laisin a dih cangmi asiloah  rikhiahmi a tlinh lomi laisin hmang in a khalhmi a si ahcun hal khawh a si fawn lo.

Rikhiahmi timi cu saikal khalhnak laisin in mawt’aw khalh ti bantuk.Saikal kha mi pa 2 leng a phirh i canghsual a chuah tik ah saikal khaltu a thih, hliam a ton zong ah hal khawh a si lo. Mawt’aw/saikal laisin ngei loin khalh lio i a chuakmi canghsualnak ah a khaltu a thi, hliam a ton tikah hal khawh a si lo. Namber a ngei lomi saikal, namber bunhmi laisin ngei lo saikal, namber ngei lomi mawt’aw, namber bunhmi laisin ngei lo mawt’aw le laisin a dih cang mi mawt’aw pawl kha mah nih khalh lio ah thih asiloah hliamhma ngah tipawl zong ah hal khawh a si lo.

Post : Temh-in man hal duh va si selaw zei bantuk dah a herh hnga?TP : Aa-mah-khan zung nih man loin an pekmi soknak ca pin ah (a) a thi timi hngalhpinak ca, (b) a haltu Hmatpungtin le a thi mi aa telnak Innthawng cazin, (c) cangsualnak a tong mi mawt’aw Premium cauk (aa-mah-khan cauk) le Driver a si ahcun rikhiah a tling mi Driving Laisin, (d) Sang hnatlakpinak, pawl a herh.

Hihi a thi mi ca a si lai. Cun hliam a tongmi ca cun (a) Sizung cauk (b) A haltu Hmatpungtin, (c) Kum 18 a tling rih lomi ca halmi a si ahcun nulepa nih halpiak khawh a si i sang hnatlaknak ca a herh lai. A cunglei catlap tling tein ser hnu ah Aa-mah-khan zung ah hal ding a si hnga.Post : Lungsau in na kan ruah i kan I lawm ee.TP : Kei zong kaa lawm ee.Credit-Salai Thawngpi

Be the first to comment

Leave a Reply

Your email address will not be published.


*