Thazaang Pek Dingmi Le Doh Dingmi

Hawile hna, Social Media ah pumpak hmanthlak tar ruang le Kawlram kong share lo ruang ah i soinak le i dohnak hi cu ngol cang hna usih. Pumpak hmanthlak an tar ruang le Kawlram kong an share lo ruang ah Kawlram i a cang cuahmahmi zei ah an rel lo tinak a si lo.

CDM a tuahmi hna ca i tangka thawhnak mincazin tete zoh tikah Social Media ah Kawlram kong a share lo nain tangka thawh a rak tthawngmi an tamtuk. Cu bantukin Kawlram kong tampi a share nain bawmhnak a thawh ve lomi an rak tam tuk ve. A share i a thawh bak fawnmi, a share lo i a thawh bak hlei lomi zong an um tthiam. A dai ngai tiah kan ruahmi hna zong ralkap pawl Facebook account, page le group pawl report tuah a rak tthawngmi zong an tampi fawn. Langhter duhmi cu lenglei in a rak cawlcangmi tampi an um i, chunglei in a rak cawlcangmi tampi an um ve.

Cun pakhat, kan thluak ah kan i chiah cio ding a biapi ngaimi cu a ruang tampi ruang ah zeitik hmanh ah zapi kan thazaang aa tluk dih kho lai lo. Lungthin lei ngandam lonak ruang ah asi kho. An theihhngalhmi a tlawm ruang le Kawlram tthang an si lo ruangah a si kho (etc). Cucaah kanmah tlukin a cawlcang lomi kha soi, thangchiat le doh siloin an cawlcangh khawh deuh nakhnga tu thazaang pek le forhfial hi i zuam hna usih. Zumh awk a tlakmi information zong tampi in i pe hna usih. Ralkap a doh ttimi karlak ah i soinak, i thangchiatnak le i dohnak nih tthathnemnak a chuahpi lo. I lungrual lonak, i ttheknak le derthawmnak tu a chuahpi.

Atu lio ahcun ralkap le anmah lei i a ttangmi hna hi 100 ah 100 doh hna usihlaw, kanmah le kanmah karlak tu ahcun thazaang i pe in i forhfial hna usih. Pathian ni lawmhnak nan cungah um ko seh. Credit-Roro Fambawl

Be the first to comment

Leave a Reply

Your email address will not be published.


*