Thawngpang Thar

Hakha peng sur khua cu mino CPDF nih an conh dih cang , misual ralkap luhchuah a ngah ti lailo tiah thong kan theih!

A dikmi a si maw comments in vun kan chimthan te u. A si taktak ding a si ahcun cucu uar an um lawlaw bak an si.

I kah dingin lai meithal in an bawh dih cang hna an ti.Khuachung luhchuah a ngah ti lo tiah Thawng kan theih. Fiang deuh in kan chimthan te u law a diktakmi a si maw si lo.Credit-J.TZT

Leiba cawh silo tangka kuat kan rak hlam
A luancia kum hra hrawng khan zalong te`n ram thumnak in chungkhar cingla rualchan tangka kuat khawhnak lam biatak in a rak awng. Pumpak in kuat a hau ti lo. Western Union in kuat i bank te ah hlam khawh si. Atu kuat atu hlam. A sinain, atu lio Kawlram pi buai ruangah kha hlan zalonnak vialte cu a pit. Atu bantuk caan chia chung kan um lioah pumpak in tangka kuat le hlamnak a tuahtu cung lawmh a um ngaingai nain, micheu tonmi hnihkhat chung´n lung a nuam lo ngaimi cu:

Hika ( ram 3nk ) in kuat tikah thaizing ahcun hlam khawh colh si, silole atu hnu suimilam 1 ti a si. A sinain, va hlam tikah zei bai. Nan tangka phan rih lo tbk. Nihnih thum hnu lawngah a hlam kho. Tangka va hlam tikah mithmai tha pek um lo, nan mi chawn bia nih le leiba cawhmi kan lo hoi. Nan bo rih ning. Tangka kuat hlam hleihlei lo ah zaangfah nawl a haumi zong nan um chap. Leiba cawh silo tangka kuat kan rak hlam khi a si. Nan tangka hramhram in hal zong a silo. A kuat man liam hnu mahle tangka hlam ko ahcun nan hmai khah zong si lo. Hihi zapi nan si tinak si lo.

Western Union le Ria : Kawlram chung tangka kuatnak hi phunphun in a um ko lai nain, hi hna pahnih hi Norway lei um nih hman bik a si.

Western union : Hi pumpak kuat tikah 35 000 – 40 000 kr tiang kuat khawh a si. Atu lioah tangka thleng cun, 1kr – 172 mmk a chuak. A kuat man 20 kr te a si. 35 000 kr tiang hna Kawlram kuat dingah cun a kuatman 300kr in 600 kr fai te khi a si.

Ria : Atu a cunglei he a khat. A sinain, hlawt ahcun RIA hi western union nakin a hlawt deuh. Tangka thleng zong tam ngai a dang. Atu lioah tangka thlen in cun,
1kr – 179 mmk a si. Zeitluk tam kuat khawh zongah a kuatman cu 20kr a si. Atu kuat atu hlam khawh colh veve an si.

A sinain, atu lio Kawlram lei tangka kuat pawl hi zeitindek tangka thleng nan zohning si hnga, 1kr -135 mmk a si i, a kuatman nih fak tak chap rih. umhar phen khuaruah.By-DK

Be the first to comment

Leave a Reply

Your email address will not be published.


*