Thawngpang tha ngai si.Pule Ah Ralhrang Mawtaw Bomb Nih A Puah Hnawh, A Thimi An Tam

Sagaing ramthen Pule peng ah June 26, chunlai 12:00pm hrawngah ralhrang mawtaw pahnih cu Yinmabin PDF nih nih an chiahmi bomb nih a puahhnawh i a thimi an tam ngai tiah theih a si. Ralhrang a thimi hna ruak cu an hawilei nih Faw mawtaw in lak hna tiah Yinmabin PDF upa pakhat nih a chim.

June 26 ah Gangaw lei in a rak rami ralhrang mawtaw 20 hrawng cu Pule peng i khuate pakhat pawngah PDF nih an chiahmi bomb an pal/rial caah atu bantuk in mawtaw hi fak ngai in a puah hnawh hi a si.

“A lang lawngin kan hei zoh khawh rih caah a thimi zat kan thei kho rih lo. Ralhrang lei an thi len ti cu a fiang ko. An ruak cu Faw mawtaw in an phurh. Cun ralhrang nih an kah ruangah mi sawhsaw pakhat hliam a tuar i a zual ngai, cucu kan lungre a thei. PDF lei cu a thimi kan um lo” tiah Yinmabin PDF upa pakhat nih a chim.Khit Thit Media
The Chin Post

Adang relthan:Ngaknu tlangval i ṭhen nakin hawikom ttha bik he i ṭhen (kuai) hi a fak deuh. Kuainak le i ṭhennak a chuah tikah ngaknu tlangval bantuk belte in kir ṭhan timi khi a fawi ve ti lo.

Hawikom hi kan thinlung damnak caah sii ṭha bik lakah pakhat an si nain, a caanah cun zungzal in kan thinlung a zawttertu zong an si kho ve. (I ṭhen cheunak a chuah tikah)

A caanah cun kan hawikom ṭha bik hi kan nu le kan pa nakin kan biathli a thei deuhtu an si tawn. Cu caah chungkhar bantukin an sunlawinak cu a si.Nunu -NS

Be the first to comment

Leave a Reply

Your email address will not be published.


*