Thawngchua Lakah Thawngtha

Ngakchia Bawmhnak (Child Tax Credit) pek dingmi cu July 15 in pek a si cang lai tiah President Biden cozah nih tuchun Nikhat ni, May 17 ah thawng an thanh/phuan cang.

Zeizat dah pek a si lai? A tam bak.Kum khat caah kum 6 tang ngakchia poh $3600 pek a si lai i kum 6 -17 kar ngakchia poh $3000 pek a si lai. Kum 18 poh $500 (voikhat lawng) pek a si lai i kum 19-24 kar college a kaimi zong $500 (voikhat lawng) pek ding a si ve lai.

Kum khat phaisa hmuhmi (income) minung pakhat nih $75000 or nuva hmuhmi $125000 naak tlawm a simi fale/ngakchia poh nih hi bawmhnak hi hmuh a si lai. America rammi chungkhar million 39 hrawng nih an ngah/hmuh lai tiah IRS nih an ti.

Zeitin dah an pek/kuat lai?Kum 17 tang ngakchia poh hi tu kum 2021 caah voi 6 kuat a si lai i voikhat kuat ah ngakchia kum 6 tang $300 le kum 6-17 kar $250 cio) in kuat a si lai. Tax return file lio i direct deposit a tuahmi cu bank ah kuat/rawnpiak colh a si lai. Direct deposit a tuah lomi belte cu check in kuat a si lai.

Tahchunhnak ah kum 6 tang ngakchia fa pa 3 a ngeimi cu July 15 in December 15 tiang thla chiarte $900 lengmang pek a si lai ti nak si. Kum 6-17 kar ngakchia a ngeimi zong thla chiarte minung pakhat nih July 15 in December 15 tiang $250 lengmang hmuh ding a si lai. Kum 18-24 kar tu cu voikhat (one time) ca lawng $500 cio pek ding an si lai.

Kum 2022 i pek dingmi cu 2021 Tax Return tuah tikah thla 6 ca a tangmi hi pek chih te ding a si lai. Tutan 2021 kum cu fa tam a ngeimi pawl thluachua hmuh kum ah phuan khawh si. President Biden nih cun kum 2025 tiang pek ding a ti. Si kho tehnga dek maw?

Khah! Hi tluk bawmhnak tam hmuh tikah hin maw cheu 10/1 pek le ram le miphun ca i pek/thawh ding philh sual lai ucih. Philhter phun zong um te hlah seh. Pu Baiden zong thlacam piak philh fawn lo ding si lai cu.

Fa tampi a ngeimi hna nan thluahchuah hrawmpi pah le lawmhpi pah in atulio kan ram kong i siivangh buin ka van in į¹­ialpiak ta hna.Credit-Vanceuuk Khenglawt

Be the first to comment

Leave a Reply

Your email address will not be published.


*