Thantlang peng, Khualhringtlang lei ah a kalmi SAC ralhrang pawl cu tu zaanlei ah Thantlang in meng 9 a hlatnak Hmunthar khua ah an i pum hna, tiah thawng kan theih.

Hmunthar ah SAC Ralhrang pawl an i Pum, Drone an Hmanmi Kahthlakpiak an Tong. Nihin zinglei ah Thantlang peng, Khualhringtlang lei ah a kalmi SAC ralhrang pawl cu tu zaanlei ah Thantlang in meng 9 a hlatnak Hmunthar khua ah an i pum hna, tiah thawng kan theih.

Nihin zinglei ah SAC ralhrang pawl Arcerh an phak ah Drone vanlawng in mi ngiatnak an tuah i, cu Drone cu kahthlakpiak an tong.

Zaanlei zong ah Hakha in SAC ralhrang pawl motor 4 in Thantlang ah an phan chap hna.

SAC ralhrang nih an hmanmi Drone hi Camera sawhsawh tarhmi maw a si (asiloah) Thermal Camera tarhmi dah a si timi fiang in theih a si lo.

Thermal Camera tarhmi Drone pawl hi ramlak i thuh zong ah minung le saram pum in a chuakmi a lummi dat (Heat Energy or Thermal Energy) in minung le saram a hmuh khawh hna.

Hakha peng, Chuncung khua pawng le Loklung pawng i CDF-Hakha le SAC ralhrang kahdohnak ah SAC lei nih Drone vanlawng pawl mi ngiatnak ah an rak hman ve hna.

An hmanmi Drone pawl ah hin a cunglei kan langhtermi Thermal Camera an tarh le tarh lo theih a si lo.

Thermal Camera tarhmi Drone nih hmuh khawh lo nakding ah “Anti-Thermal Clothing” timi thilpuan pawl zong an um ve. Cu bantuk angki le bawngbi pawl cu online zong in an zuarmi tampi a um. The Chin Journal
June 8, Hakha

News Dang Relthan:Hakha Khuathar Bomb Puah Hnu Tlaihmi Minung 18 an Luat Than.June 5, Hakha Khuathar bomb puah hnu ah an rak tlaihmi hna chung in minung 18 cu tuzaan sml. 8:30 hrawng ah an thlah hna, tiah thawng kan theih.

Atu zaan a luatmi pawl hi pa lawngte an si i, an umnak inn cio tiang City Bus in an rak thlah hna.

June 6 zaan zong ah nu lawngte 27 an rak thlah cang hna. June 5, Hakha Khuathar bomb puah hnu ah an tlaihmi hna chung in pa mino 4 tu cu atu tiang an thlah rih hna lo, tiah thawng kan theih. The Chin Journal
June 8, Hakha

Be the first to comment

Leave a Reply

Your email address will not be published.


*